- Ойнаб айтсанг да, эслеб айт.
- Къазанны башы ачыкъ болса, итге уят керекди.
- Босагъагъа джууукъ орун болса, ашыгъыб тёрге озма.
- Игилик игилик бла сингдирилиучю затды.
- Мал ёлсе, сюек къалыр, адам ёлсе, иши къалыр.
- Ач уят къоймаз.
- Баш – акъыл ючюн, акъылман – халкъ ючюн.
- Кёлсюзден сёзсюз тууар.
- Баланы адам этген анады.
- Тилсиз миллет джокъ болур.
- Къартха ушагъан джаш – акъыллы, джашха ушагъан къарт – тели.
- Къулакъдан эсе, кёзге ышан.
- Бермеген къол, алмайды.
- Тилчиден кери бол.
- Джумушакъ терекни къурт ашар.
- Байны къызы баймакъ болса да, юйде къалмаз!
- Окъумагъан сокъурду, сокъур ташха абыныр!
- Къан бла кирген, джан бла чыгъар.
- Акъыллы эркиши атын махтар, акъылсыз эркиши къатынын махтар.
- Айранын берсенг, челегин да къызгъанма.
- Кесине гебен этелмеген, биреуге черен эте эди.
- Тойгъан джерге джети къайт.
- Ёксюзню тилеги къабыл болур.
- Ауузу бла къуш тута айланады.
- Ётюрюкню башын керти кесер.
- Къатын къылыкъсыз, эр тынчлыкъсыз.
- Джюз элде джюз ёгюзюм болгъандан эсе, джюз джууугъум болсун.
- Башда акъыл болмаса, эки аякъгъа кюч джетер.
- Билимден уллу байлыкъ джокъду.
- Хата – гитчеден.
- Ач къалгъандан, кеч къалгъан къолай.
- Дуния мал дунияда къалады.
- Бойнуму джети джерден кессенг да, мен ол ишни этеллик тюлме.
- Чомарт къолда мал къалмаз.
- Акъыл аздырмаз, билим тоздурмаз.
- Уллу къашыкъ эрин джыртар.
- Нёгерсизни джолу узун.
- Сакъалы текени да бар, мыйыгъы киштикни да бар.
- Бозаны арты дауур болур.
- Сагъыш – къартлыкъгъа сюйюмчю.
- Юйюнг бла джау болгъандан эсе, элинг бла джау бол.
- Эртде тургъан джылкъычыны эркек аты тай табар.
- Къыз чыгъаргъан – къызыл къымжа.
- Сакъламагъан затынга джолукъсанг, не бек къууанаса, не бек ачыйса.
- Телиге от эт десенг, юйюнге от салыр.
- Къолу уллу – асыу, аягъы уллу – джарсыу.
- Ауругъанны сау билмез, ач къарынны токъ билмез.
- Таукел адам тау тешер.
- Акъыллы башны – тили къысха.
- Кёпюр салгъан кеси ётер, уру къазгъан кеси кетер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72