- Аз сёлеш, кёб ишле.
- Джылар джаш, атасыны сакъалы бла ойнар.
- Биреуге аманлыкъ этиб, кесинге игилик табмазса.
- Ач бёрюге мекям джокъ.
- Ётюрюкню башын керти кесер.
- Бозаны арты дауур болур.
- Эшекни не къадар тюйсенг да, ат болмаз.
- Биреуню тёрюнден, кесинги эшик артынг игиди.
- Ауругъаннга – кийик саулукъ, джетген къызгъа – чилле джаулукъ.
- Джаз бир кюнню джатсанг, къыш талай кюнню абынырса.
- Ариу сёз – джаннга азыкъ, аман сёз – башха къазыкъ.
- Ариу – кёзге, акъыл – джюрекге.
- Дуния малгъа сатылма, кесингден телиге къатылма.
- Кёл – къызбай, къол – батыр.
- Келгинчи, къонакъ уялыр, келгенден сора, къонакъбай уялыр.
- Ашха уста, юйюнде болсун
- Бичгенде ашыкъма, тикгенде ашыкъ.
- Эрине къаргъыш этген къатын, эрнин къабар.
- Акъыл неден да кючлюдю.
- Нарт сёз – тилни бети.
- Къошда джокъгъа – юлюш джокъ.
- Джиби бир къат джетмей эди да, эки къат тарта эди.
- Уллу къазанда бишген эт, чий къалмаз.
- Ёлюр джаннга, ёкюл джокъ.
- Кёзюнде тереги болгъан, чёбю болгъаннга кюле эди.
- Баргъанынга кёре болур келгенинг.
- Гугурук къычырмаса да, тангны атары къалмаз.
- Джарлыны эшигин махтагъан джабар.
- Ёлген ийнек сютлю болур.
- Ана кёлю – балада, бала кёлю – талада.
- Билгенни къолу къарны джандырыр.
- Къызын тута билмеген, тул этер, джашын тута билмеген, къул этер.
- Сагъышы джокъ – джукъучу, акъылы джокъ – къаугъачы.
- Уллу суу бла уллу ауруудан башынгы сакъла.
- Джогъун бар этген, барын бал этген.
- Джаным-тиним – окъуу, билим.
- Адамны аманы адамны бети бла ойнар.
- Юй ишлеген балта эшикде къалыр.
- Таукел къуру къалмаз.
- Аджал соруб келмез, келсе, къайтыб кетмез.
- Кютгени беш эчки, сызгъыргъаны уа, джерни джарады.
- Берекет берсин деген джерде, берекет болур.
- Биреуню эскиси биреуге джангы болмайды.
- Оюмсуз атлагъан, аджалсыз ёлюр.
- Билим насыб берир, билим джолну керир.
- Тенгинг джокъ эсе – изле, бар эсе – сакъла!
- Керти сёзге тёре джокъ.
- Суугъа – чабакъ, къаягъа – ыргъакъ.
- Ауурну тюбю бла, дженгилни башы бла джюрюген.
- Тойгъан антын унутур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72