Эльбрусоид :: Форум

Байлыкъ келсе, акъыл кетер.
Чыкълы кюнде чыкъмагъан, чыкъса къуру кирмеген.
Тай асырагъан, атха минер.
Aдам боллукъ, сыфатындан белгили.
Эки итни арасына сюек атма, эки адамны арасында сёз чыгъарма.
Кийим тукъум сордурур.
Джыланны къуйругъундан басарынг келсе, аны башы болгъанын унутма.
Гугук кесини атын айтыб къычыргъанча, мен, мен деб нек тураса?
Ашхы тенг джолгъа салыр, аман тенг джолдан тайдырыр.
Арба аугъандан сора, джол кёргюзтюучю кёб болур.
Джарлыны тону джаз битер.
Атлыны кёрсе, джаяуну буту талыр.
Бети къызарыучу адамны, джюреги харам болмаз.
Адебни адебсизден юрен.
Сагъышы джокъ – джукъучу, акъылы джокъ – къаугъачы.
Аш берме да, къаш бер.
Терслик кетер, тюзлюк джетер.
Чакъырылгъанны аты, чакъырылмагъанны багъасы болур.
Эр сокъур болсун, къатын тилсиз болсун.
Кютгени беш эчки, сызгъыргъаны уа, джерни джарады.
Мухардан ач ычхынмаз.
Алим болгъандан эсе, адам болгъан къыйынды.
Уллу атлама – абынырса, уллу къабма – къарылырса.
Уясында не кёрсе, учханында аны этер.
Къызны минг тилер, бир алыр.
Бермеген къол, алмайды.
Джетген къыз джерли эшекни танымаз.
Шайтан алдады, тюзлюк къаргъады.
Ёзденликни кёбю ётюрюк.
Адебсиз адам – джюгенсиз ат.
Урунуу – насыбны анасы.
Артына баргъанны, къатына барма.
Джангызны оту джарыкъ джанмаз!
Кёбге таш атма.
Биреуге кёлтюрген таягъынг, кесинги башынга урур.
Джогъун бар этген, барын бал этген.
Джырчы ёлсе, джыры къалыр.
Байны оноуу, джарлыгъа джарамаз.
Ышармагъан – кюлмез, кюлмеген – къууанчны билмез.
Уллу сёлешме да, уллу къаб.
Байлыкъдан саулукъ ашхыды.
Илму – джашауну джолу.
Окъуусуз билим – джокъ, билимсиз кюнюнг – джокъ.
Ханнга да келеди хариблик.
Ауругъан – джашаудан умутчу.
Къыйынлы джети элге оноу этер.
Чомартны къолу берекет.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Къонагъынгы артмагъын алма да, алгъышын ал.
Кюл тюбюндеги от кёрюнмейди.

Логин:
Пароль:
	Запомнить меня на этом компьютере

Забыли свой пароль?
Регистрация