- Аман адамны тепсинге олтуртсанг, къызынгы тилер.
- Таукелге нюр джауар.
- Телини эшигин, махтау джабар.
- Аманнга алтын чыдамаз.
- Джарлы эскисин джамаса, къууаныр.
- Сютден ауузу кюйген, суугъа юфгюре эди.
- Ариу сёз джыланны орнундан чыгъарыр.
- Къонагъы джокъну – шоху джокъ.
- Аман адам элни бир-бирине джау этер.
- Биреу ашаб къутулур, биреу джалаб тутулур.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Эрни эр этерик да, къара джер этерик да, тиширыуду.
- Ёмюрлюк шохлукъну джел элтмез.
- Махтаннган къыз, тойда джукълар.
- Айыбны суу бла джууалмазса.
- Дууулдаса – бал чибин, къонса – къара чибин.
- Ётюрюкчюню шагъаты – къатында.
- Агъач халкъгъа алтынды, иссиликге салкъынды.
- Аш кетер да бет къалыр.
- Джыйырма къойну юч джыйырма эбзе кюте эди.
- Джерни букъусу кёкге къонмаз.
- Ёлген ийнек сютлю болур.
- Тилчи бир сагъатха айлыкъ хата этер.
- Адебсиз адам – джюгенсиз ат.
- Ашхы атаны – джашы ашхы, ашхы ананы – къызы ашхы.
- Чакъырылмагъан къонакъ тёрге атламаз.
- Иги джашны ышаны – аз сёлешиб, кёб тынгылар.
- Мухарны эси – ашарыкъда.
- Эринчекге кюн узун.
- Хар ишни да аллы къыйынды.
- Алгъанда – джууукъ, бергенде – джау.
- Арыгъан къош чамчы болур.
- Бюгюн дуния кибик, тамбла ахыратды.
- Экеулен сёлеше тура эселе, орталарына барыб кирме.
- Аууздан келген, къолдан келсе, ким да патчах болур эди.
- Булут кёкге джарашыу, уят бетге джарашыу.
- Бети бедерден, намыс сакълама.
- Кесинге джетмегенни, кёб сёлешме.
- Аманнга да, игиге да оноусуз къатышма.
- Ётюрюкню къуйругъу – бир тутум.
- Тёрдеги кюлсе, эшикдеги ышарыр.
- Урунуу – насыбны анасы.
- Къатын байлыкъны сюер, эр саулукъну сюер.
- Къуллукъчума, деб махтанма, къуллукъ – хаух джамчыды!
- Байлыкъ келсе, акъыл кетер.
- Эки ойлашыб, бир сёлешген.
- Билимден уллу байлыкъ джокъду.
- Байма, деб да, къууанма, джарлыма, деб да, джылама.
- Джюрекге ариу – кёзге да ариу.
- Къартны сыйын кёрмеген, къартлыгъында сыйлы болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72