- Кийимни бичсенг, кенг бич, тар этген къыйын тюлдю.
- Байлыкъ келсе, акъыл кетер.
- Бетинги сатма, малынгы сат.
- Къазанны башы ачыкъ болса, итге уят керекди.
- Ач да бол, токъ да бол – намысынга бек бол.
- Джерни букъусу кёкге къонмаз.
- Кесинге джетмегенни, кёб сёлешме.
- Рысхы – насыбха къор.
- Эм ашхы къайын ана мамукъ бла башынгы тешер.
- Зар адам ашынгы ашар, кесинги сатар.
- Адамгъа аман кюн соруб келмейди.
- Джырына кёре эжиую.
- Биреуню тёрюнден, кесинги эшик артынг игиди.
- Хунаны тюбюн къазсанг, юсюнге ауар.
- Бети бедерден, намыс сакълама.
- Джангыз терек къынгыр ёсер.
- Ач келгенни – тойдур, кеч келгенни – къондур.
- Ашаса, ашамаса да, бёрюню ауузу – къан.
- Тёрдеги кюлсе, эшикдеги ышарыр.
- Тик ёргени, тик энгишгеси да болады.
- Хантына кёре тузу, юйюне кёре къызы.
- Окъ къызбайны джокълайды.
- Джол бла сёзню къыйыры джокъ.
- Джетген къыз джерли эшекни танымаз.
- Иги джашны ышаны – аз сёлешиб, кёб тынгылар.
- Сыфатында болмагъаны, суратында болмаз.
- Джуртун къоругъан озар.
- Кёкдеги болмаса, джердегин кёрмейди.
- Ишни ахырын ойламай, аллын башлама.
- Тилчиден кери бол.
- Атлыны ашхысы, ат тизгининден билинир
- Тамырсыз терекге таянма – джыгъылырса.
- Чомартха Тейри да борчлуду.
- Ашда уялгъан – мухар, ишде уялгъан – хомух.
- Ариу сёз джыланны орнундан чыгъарыр.
- Дууулдаса – бал чибин, къонса – къара чибин.
- Аман къатын сабий табса, бий болур…
- Билими азны – ауузунда кирит.
- Абынмазлыкъ аякъ джокъ, джангылмазлыкъ джаякъ джокъ.
- Экиндини кеч къылсанг, чабыб джетер ашхам.
- Байлыкъ адамны сокъур этер.
- Ата Джуртун танымагъан, атасын да танымаз.
- Аджашхан тёгерек айланыр.
- Джаралыны джастыгъында сау ёлюр.
- Уллу суу бла уллу ауруудан башынгы сакъла.
- Бёрю да ач къалмасын, эчки да ашалмасын.
- Джылар джаш, атасыны сакъалы бла ойнар.
- Къонакъ болсанг, ийнакъ бол.
- Джаханимни кёрмей, джандетге кёл салмазса.
- Келинни – келгинчи, бёркню кийгинчи кёр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72