- Аманнга да, игиге да оноусуз къатышма.
- Джети тилни билген джети кишиди.
- Джан саулукъ бермей, сан саулукъ бермезсе.
- Юреннген ауруу къалмаз.
- Тёрде – темир таякълы, къаяда – чыпчыкъ аякълы.
- Арба аугъандан сора, джол кёргюзтюучю кёб болур.
- Окъугъанны бети джарыкъ.
- Бюгюн дуния кибик, тамбла ахыратды.
- Аджашханны ызындагъы кёреди, джангылгъанны джанындагъы биледи.
- Ханы къызы буюгъа-буюгъа киштик болду.
- Таякъ этден ётер, тил сюекден ётер.
- Бек ашыкъгъан меннге джетсин, дегенди аракъы.
- Билим – акъылны чырагъы.
- Ауурну тюбю бла, дженгилни башы бла джюрюген.
- Чалманны аллы къалай башланса, арты да алай барады.
- Аууз сакълагъан – джан сакълар.
- Уллу атлама – абынырса, уллу къабма – къарылырса.
- Окъдан джара эртде-кеч болса да бителир, сёз джара, ёмюрге къалыр.
- Кёл – къызбай, къол – батыр.
- Акъыллы айтыр эди, акъылсыз къоймайды.
- Айныгъанлы алты кюн, тогъайгъанлы тогъуз кюн.
- Акъыл къартда, джашда тюйюлдю – башдады.
- Кесине гебен этелмеген, биреуге черен эте эди.
- Таукел тауну аудурур.
- Джаханимни кёрмей, джандетге кёл салмазса.
- Терслик кетер, тюзлюк джетер.
- Мал тутхан – май джалар.
- Сагъыш – къартлыкъгъа сюйюмчю.
- Чабакъ башындан чирийди.
- Адам сёзге тынгыла, акъыл сёзню ангыла.
- Ашхы сёз таш тешер.
- Кёбге таш атма.
- Керек ташны ауурлугъу джокъ.
- Билмейме деген – бир сёз
- Ашхы атаны – джашы ашхы, ашхы ананы – къызы ашхы.
- Аурууну келиую тынч, кетиую – къыйын.
- Урунуу – насыбны анасы.
- Ариу сёз – къылычдан джити.
- Мураты болгъанны джюрек тебюую башхады.
- Адамгъа аман кюн соруб келмейди.
- Ариуну – ауруу кёб.
- Эринчекни эр алмаз, эр алса да, кёл салмаз, кёл салса да, кёб бармаз!
- Арпа, будай – ащды, алтын, кюмюш а – ташды.
- Ёлген аслан – сау чычхан.
- Иши джокъну, сыйы джокъ.
- Арбаз къынгырды да, ийнек сауалмайма.
- Джырчы джырчыгъа – къарнаш.
- Джуртун къоругъан озар.
- Алтыда кюлмеген, алтмышда кюлмез.
- Чоюнну башы ачыкъ болса, итге уят керекди.
Профиль
|
||||