- Джол бла сёзню къыйыры джокъ.
- Чалманны аллы къалай башланса, арты да алай барады.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джолда аягъынга сакъ бол, ушакъда тилинге сакъ бол.
- Байны къызы баймакъ болса да, юйде къалмаз!
- Джан саулукъ бермей, сан саулукъ бермезсе.
- Къартны бурнун сюрт да, оноугъа тут.
- Ётюрюкню къуйругъу – бир тутум.
- Къонакъны къачан кетерин сорма, къачан келлигин сор.
- Ёлген аслан – сау чычхан.
- Дууулдаса – бал чибин, къонса – къара чибин.
- Адамны аманы адамны бети бла ойнар.
- Чомартха хар кюн да байрамды.
- Намысы болмагъанны, сыйы болмаз.
- Джолунга кёре – джюрюшюнг, джагъанга кёре – юлюшюнг.
- Джаралыны джастыгъында сау ёлюр.
- Ашда – бёрю, ишде – ёлю.
- Ана – юйню кюн джарыгъы.
- Азыкъ аз болса, эртде орун сал.
- Байны оноуу, джарлыгъа джарамаз.
- Ёлюк кебинсиз къалмаз.
- Хоншуну тауугъу къаз кёрюнюр, келини къыз кёрюнюр.
- Чомартха Тейри да борчлуду.
- Намыс сатылыб алынмайды.
- Эр абынмай, эл танымаз.
- Къарт бла баш аша, джаш бла аякъ аша.
- Тойчу джашха къарама, къойчу джашха къара.
- Малны кют, джерни тюрт.
- Къызны минг тилер, бир алыр.
- Чомартны къолун джокълукъ байлар.
- Къонакъ хазыр болгъанлыкъгъа, къонакъбай хазыр тюлдю.
- Татлы тилде – сёз ариу, чемер къолда – иш ариу.
- Ёлген эшек бёрюден къоркъмайды.
- Ачылгъан эт джабылыр, кёрген кёз унутмаз.
- Келинин тута билмеген, къул этер, къызын тута билмеген, тул этер.
- Къыз келсе, джумуш эте келеди, къатын келсе, ушакъ эте келеди.
- Джетген къыз джерли эшекни танымаз.
- Аш хазыр болса, иш харам болур.
- Эртде тургъан джылкъычыны эркек аты тай табар.
- Къайгъы тюбю – тенгиз.
- Кёзден кетген, кёлден да кетеди.
- Тёрде – темир таякълы, къаяда – чыпчыкъ аякълы.
- Ач да бол, токъ да бол – намысынга бек бол.
- Ач къарным, тынч къулагъым.
- Aдам боллукъ, сыфатындан белгили.
- Булут кёкге джарашыу, уят бетге джарашыу.
- Аман хансны – урлугъу кёб.
- Аджашхан тёгерек айланыр.
- Ашхы – джыяр, аман – джояр.
- Къайгъыны сюйген, къайгъы табар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72