- Кёз – сюйген джерде, къол – ауругъан джерде.
- Адебни адебсизден юрен.
- Къууут – джелге, берне – бошха.
- Олтуруб кёрюнмей эди да, ёрге туруб кёрюне эди.
- Юйлю уругъа ит чабмаз.
- Кёкдеги болмаса, джердегин кёрмейди.
- Чакъырылмай келген къонакъ сыйланмай кетер.
- Билмейме деген – бир сёз
- Илму – джашауну джолу.
- Танг атмайма десе да, кюн къоярыкъ тюйюлдю.
- Ишин билген, аны сыйын чыгъарады.
- Сакъ юйюне сау барыр.
- Джахил болса анасы, не билликди баласы?
- Джашны джигитлиги сорулур, къызны джигерлиги сорулур.
- Мени джылытмагъан кюн, меннге тиймесин!
- Адамны сабийин сюйген джюреги, бычакъча, джитиди.
- Тойгъандан сора, ашны сёкме.
- Чабакъгъа акъыл, табагъа тюшсе келеди.
- Аякъларынгы джууургъанынга кёре узат.
- Айырылмаз джууугъунга, унутмаз сёзню айтма.
- Алим болгъандан эсе, адам болгъан къыйынды.
- Тиширыусуз юй – отсуз от джагъа.
- Адамны бетине къарама, адетине къара.
- Ана къойну – балагъа джандет.
- Къазанчы аман болса, къазаны къайнамаз.
- Онгсузну – джакъла, тенгликни – сакъла.
- Адамгъа аман кюн соруб келмейди.
- Къатыны харакетли болса, эри къымсыз болур.
- Къартны сыйын кёрмеген, къартлыгъында сыйлы болмаз.
- Джангызны оту джарыкъ джанмаз!
- Тюзлюк тас болмайды.
- Аман адамны тепсинге олтуртсанг, къызынгы тилер.
- Булут кёкге джарашыу, уят бетге джарашыу.
- Къуру гыбыт бек дыгъырдар.
- Айран тёгюлсе, джугъусу къалыр.
- Узун джолну барсанг, бюгюн келирсе, къысха джолну барсанг, тамбла келирсе.
- Тил джюрекге джол ишлейди.
- Аджал соруб келмез, келсе, къайтыб кетмез.
- Уясында не кёрсе, учханында аны этер.
- Къаллай салам берсенг, аллай джууаб алырса.
- Ашхы атаны – джашы ашхы, ашхы ананы – къызы ашхы.
- Ханнга да келеди хариблик.
- Ёлюр джаннга, ёкюл джокъ.
- Тойчу джашха къарама, къойчу джашха къара.
- Акъыл аздырмаз, билим тоздурмаз.
- Чакъырылмагъан джерге барма, чакъырылгъан джерден къалма.
- Сёз сёзню айтдырыр.
- Билимли ёлмез, билимсиз кёрмез.
- Хар адамгъа кеси миннген тау кибик.
- Тёрде – темир таякълы, къаяда – чыпчыкъ аякълы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72