- Арыгъан къош чамчы болур.
- Акъылсызны джууукъгъа алма, акъыллыны кенгнге салма.
- Кёлсюзден сёзсюз тууар.
- Бек ашыкъгъан меннге джетсин, дегенди аракъы.
- Билген билмегенни юретген адетди.
- Хазыр ашха – терен къашыкъ.
- Сабийни джумушха джибер да, ызындан бар.
- Бастасын ашагъан, хантусун да ичер.
- Аууздан келген, къолдан келсе, ким да патчах болур эди.
- Ёлген эшек бёрюден къоркъмайды.
- Зарда марда джокъ.
- Къулакъдан эсе, кёзге ышан.
- Зар адамны насыбы болмаз.
- Уллу суу бла уллу ауруудан башынгы сакъла.
- Къумурсхала джыйылсала, пилни да джыгъадыла.
- Тюзню ётмеги тюзде къалса да, тас болмаз.
- Иги – алгъыш этер, аман – къаргъыш этер.
- Башы джабылгъан челекге, кир тюшмез.
- Билим ат болуб да чабар, къуш болуб да учар.
- Кенгеш болса, уруш болмаз.
- Азыкъ аз болса, эртде орун сал.
- Игиге айтсанг – билир, аманнга айтсанг – кюлюр.
- Ашхылыкъ джерде джатмайды, аманлыкъ суугъа батмайды.
- Махтаннган къыз, тойда джукълар.
- Къазанчы аман болса, къазаны къайнамаз.
- Тойгъан антын унутур.
- Рысхы – сют юсюнде кёмюк кибикди.
- Адамны артындан къара сабан сюрме.
- Рысхы джалгъанды: келген да этер, кетген да этер.
- Джюрек кёзден алгъа кёрюр.
- Ишлемеген – тишлемез.
- Ашаса, ашамаса да, бёрюню ауузу – къан.
- Ашыкъгъанны этеги бутуна чырмалыр.
- Ишленмеклик адамлыкъды.
- Намыс сатылыб алынмайды.
- Ата джурт – алтын бешик.
- Магъанасыз сёз – тауушсуз сыбызгъы.
- Уруну арты – къуру.
- Джашлыкъ этмеген, башлыкъ этмез.
- Аманны эки битли тону болур, бирин сеннге кийдирир, бирин кеси киер.
- Тойгъандан сора, ашны сёкме.
- Тёрде – темир таякълы, къаяда – чыпчыкъ аякълы.
- Адамны аты башхача, акъылы да башхады.
- Иги адам абынса да, джангылмаз.
- Къаллай салам берсенг, аллай джууаб алырса.
- Рысхысына кёре, джаш ёсер, къышлыгъына кёре, мал ёсер.
- Тамырсыз терекге таянма – джыгъылырса.
- Алма терегинден кери кетмез.
- Дууулдаса – бал чибин, къонса – къара чибин.
- Ёгюзню мюйюзлери ауурлукъ этмейдиле.
Профиль
|
|
|||