- Аш хазыр болса, иш харам болур.
- Керек ташны ауурлугъу джокъ.
- Дуния мал дунияда къалады.
- Ашхы тенг джолгъа салыр, аман тенг джолдан тайдырыр.
- Байны къызы баймакъ болса да, юйде къалмаз!
- Кёпюр салгъан кеси ётер, уру къазгъан кеси кетер.
- Мухардан ач ычхынмаз.
- Гугук кесини атын айтыб къычыргъанча, мен, мен деб нек тураса?
- Эркишини аманы тиширыуну джылатыр.
- Тешигини къатында, чычхан да батыр болур.
- Къозулугъунда тоймагъан, къойлугъунда тоймаз.
- Малны кют, джерни тюрт.
- Бозанг болмагъан джерге, къалагъынгы сукъма.
- Суугъа – таянма, джаугъа – ийнанма.
- Къатын къылыкъсыз, эр тынчлыкъсыз.
- Ариу – кёзге, акъыл – джюрекге.
- Адамны артындан къара сабан сюрме.
- Аджаллыгъа окъсуз шкок атылыр.
- Акъыллы эркиши атын махтар, акъылсыз эркиши къатынын махтар.
- Билмезни кёзю кёрмез, этмезни къулагъы эшитмез.
- Къарны аманнга къазан такъдырма, къолу аманнга от джакъдырма.
- Минг тенг да азды, бир джау да кёбдю.
- Билгенни къолу къарны джандырыр.
- Чомарт къонакъ юй иесин сыйлар.
- Айырылгъанланы айю ашар, бёлюннгенлени бёрю ашар.
- Тилчи бир сагъатха айлыкъ хата этер.
- Чомартха Тейри да борчлуду.
- Туз, гырджын аша, тюзлюк бла джаша.
- Тиширыусуз юй – отсуз от джагъа.
- Онгсузну – джакъла, тенгликни – сакъла.
- Къартха ушагъан джаш – акъыллы, джашха ушагъан къарт – тели.
- Джырчы ёлсе, джыры къалыр.
- Айтылгъан буйрукъ, сёгюлмез
- Эшекни не къадар тюйсенг да, ат болмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Джангызны оту джарыкъ джанмаз!
- Экиндини кеч къылсанг, чабыб джетер ашхам.
- Джетген къыз джерли эшекни танымаз.
- Джарлы джети элни сёзюн этер.
- Байма, деб да, къууанма, джарлыма, деб да, джылама.
- Аджашхан тёгерек айланыр.
- Кёзню ачылгъаны – иги, ауузну джабылгъаны – иги.
- Мухар, кеси тойса да, кёзю тоймаз.
- Ётюрюкден тюбю джокъ, кёлтюрюрге джиби джокъ.
- Байлыкъ келсе, акъыл кетер.
- Кёбден умут этиб, аздан къуру къалма.
- Кютгени беш эчки, сызгъыргъаны уа, джерни джарады.
- Ёлген аслан – сау чычхан.
- Къазанда болса, чолпугъа чыгъар.
- Айтхан – тынч, этген – къыйын.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72