- Ариу сёз джыланны орнундан чыгъарыр.
- От этилмеген джерден тютюн чыкъмайды.
- Хунаны тюбюн къазсанг, юсюнге ауар.
- Къызгъанчдан ычхыныр, мухардан ычхынмаз.
- Тамбла алтындан бюгюн багъыр ашхы.
- Адеб этмеген, адеб кёрмез.
- Ач уят къоймаз.
- Къартны сыйын кёрмеген, къартлыгъында сыйлы болмаз.
- Бети къызарыучу адамны, джюреги харам болмаз.
- Сангырау къулакъ эл бузар.
- Иги – алгъыш этер, аман – къаргъыш этер.
- Тик ёргени, тик энгишгеси да болады.
- Ашхы болсанг, атынг чыгъар, аман болсанг, джанынг чыгъар.
- Абынмазлыкъ аякъ джокъ, джангылмазлыкъ джаякъ джокъ.
- Ата – баланы уясы.
- Садакъачыны джаны – къапчыгъында.
- Таукелге нюр джауар.
- Тёрде – темир таякълы, къаяда – чыпчыкъ аякълы.
- Термилгенинги табмазса, кюлгенинге тюберсе.
- Шайтан алдады, тюзлюк къаргъады.
- Мал тутхан – май джалар.
- Рысхысына кёре, джаш ёсер, къышлыгъына кёре, мал ёсер.
- Оюмсуз атлагъан, аджалсыз ёлюр.
- Адамны сабийин сюйген джюреги, бычакъча, джитиди.
- Тёзген – тёш ашар!
- Тай асырагъан, атха минер.
- Хатерли къул болур.
- Къыз чыгъаргъан – къызыл къымжа.
- Башда акъыл болмаса, эки аякъгъа кюч джетер.
- Аджашхан тёгерек айланыр.
- Ауузу бла къуш тута айланады.
- Аман къатын алгъан, арыр, иги къатын алгъан джарыр.
- Кенгеш болса, уруш болмаз.
- Ашына кёре табагъы, балына кёре къалагъы.
- Ат да турмайды бир териде.
- Ёлген аслан – сау чычхан.
- Къулакъдан эсе, кёзге ышан.
- Ёмюрлюк шохлукъну джел элтмез.
- Ауузу аманнга «иги», деме.
- Ёлюк кебинсиз къалмаз.
- Гугурук къычырмаса да, тангны атары къалмаз.
- Эте билген, этген этеди, эте билмеген, юретген этеди!
- Джаралыны джастыгъында сау ёлюр.
- Кёлсюзден сёзсюз тууар.
- Ана къойну – балагъа джандет.
- Кёб къычыргъандан – къоркъма, тынч олтургъандан – къоркъ.
- Чомартны къолу берекет.
- Адамны аманы адамны бети бла ойнар.
- Иги джашны ышаны – аз сёлешиб, кёб тынгылар.
- Къазанны башы ачыкъ болса, итге уят керекди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72