- Ашын ашагъанынгы, башын да сыйла.
- Уллу айтханны этмеген – уллаймаз.
- Адам сёзюнден белгили.
- Байны оноуу, джарлыгъа джарамаз.
- Чакъырылмагъан къонакъ – орунсуз.
- Тойгъан антын унутур.
- Халкъны джырын джырласанг, халкъ санга эжиу этер.
- Сагъыш – къартлыкъгъа сюйюмчю.
- Сакъ юйюне сау барыр.
- Ачны эсинде – аш.
- Эринчекни аурууу – кёб.
- Босагъа таш юйге кирмей эди, тыбыр таш эшикге чыкъмай эди.
- Биреу къой излей, биреу той излей.
- Ашыкъгъанны этеги бутуна чырмалыр.
- Намысы джокъну – дуниясы джокъ.
- Къар – келтирди, суу – элтди.
- Тилсиз миллет джокъ болур.
- Таула не мийик болсала да, аууш табылыр.
- Халкъгъа джарагъан, джарлы къалмаз.
- Тюзню ётмеги тюзде къалса да, тас болмаз.
- Бермеген къол, алмайды.
- Къонакъ хазыр болгъанлыкъгъа, къонакъбай хазыр тюлдю.
- Сангырау къулакъ эл бузар.
- Джюрек кёзден алгъа кёрюр.
- Айтхан сёзюне табылгъан.
- Сёз – кюмюш, джыр – алтын.
- Минг тенг да азды, бир джау да кёбдю.
- Азыгъы аз, алгъа къабар, аты аман, алгъа чабар.
- Ишлерге уял да, ашаргъа табма.
- Юре билмеген ит, къонакъ келтирир.
- Окъугъан озар, окъумагъан тозар.
- Джаз бир кюнню джатсанг, къыш талай кюнню абынырса.
- Сакъламагъан затынга джолукъсанг, не бек къууанаса, не бек ачыйса.
- Биреуге кёлтюрген таягъынг, кесинги башынга урур.
- Чомартны къолун джокълукъ байлар.
- Джаханимни кёрмей, джандетге кёл салмазса.
- Эркишиге тары кебек танг кёрюнюр.
- Чыбыкълыкъда бюгюлмеген, къазыкълыкъда бюгюлмей эди.
- Джарлыны эшигин махтагъан джабар.
- Акъыл аздырмаз, билим тоздурмаз.
- Aдам боллукъ, сыфатындан белгили.
- Кюн – узун, ёмюр – къысха.
- Ашарыкъда сайлагъаннга – чий гырджын.
- Джырчы ёлсе, джыры къалыр.
- Мал тутхан – май джалар.
- Адеб джокъда, намыс джокъ.
- Ашхы тенг джолгъа салыр, аман тенг джолдан тайдырыр.
- Ачыкъ джюрекге джол – ачыкъ.
- Адамны джюреги нени кёрюрге сюйсе, кёзю да аны кёрюрге ёч болады.
- Къоркъакъны кёзю экили кёрюр.
Профиль
|
|
|||