- Айран ичген – къутулду, джугъусун джалагъан – тутулду.
- Ёзденликни кёбю ётюрюк.
- Атадан ёксюз – бир ёксюз, анадан ёксюз – эки ёксюз.
- Къызгъанчдан ычхыныр, мухардан ычхынмаз.
- Ётюрюк хапар аякъ тюбю бла джюрюйдю.
- Къартха ушагъан джаш – акъыллы, джашха ушагъан къарт – тели.
- Мураты болгъанны джюрек тебюую башхады.
- Бети бедерден, намыс сакълама.
- Тура эдим джата, къайдан чыкъды хата?
- Юйюнг бла джау болгъандан эсе, элинг бла джау бол.
- Рысхы – насыбха къор.
- Арпа, будай – ащды, алтын, кюмюш а – ташды.
- Тамчы таш тешер.
- Чомарт къолда мал къалмаз.
- Нёгерсизни джолу узун.
- Уллу къазанда бишген эт, чий къалмаз.
- Узун джолну барсанг, бюгюн келирсе, къысха джолну барсанг, тамбла келирсе.
- «Ёгюз, джаргъа джууукъ барма, меннге джюк боллукъса», - дегенди эшек.
- Чомартны къолу берекет.
- Оюмсуз атлагъан, аджалсыз ёлюр.
- Дуния аламаты сен эсенг да, игиме деб айтма.
- Къонагъынгы артмагъын алма да, алгъышын ал.
- Къонакъ кёб келюучю юйню, къазаны отдан тюшмез.
- Баш – акъыл ючюн, акъылман – халкъ ючюн.
- Ач къарынны, токъ билмез
- Ашаса, ашамаса да, бёрюню ауузу – къан.
- Ачыкъ джюрекге джол – ачыкъ.
- Аджал соруб келмез, келсе, къайтыб кетмез.
- Намысы джокъну – дуниясы джокъ.
- Аз айтсам, кёб ангылагъыз.
- Аджашханны ызындагъы кёреди, джангылгъанны джанындагъы биледи.
- Иги сёз – джаннга азыкъ, аман сёз башха – къазыкъ.
- Игиге айтсанг – билир, аманнга айтсанг – кюлюр.
- Тау башында, тау болмаз, джангыз терек, бау болмаз.
- Байлыкъ тауусулур, билим тауусулмаз.
- Джуртун къоругъан озар.
- Кёрмегеннге кебек – танг, битмегеннге сакъал – танг.
- Сакъламагъан затынга джолукъсанг, не бек къууанаса, не бек ачыйса.
- Эринчекге кюн узун.
- Аджашхан тёгерек айланыр.
- Башы ишлегенни, ауузу да ишлер.
- Ашхы адам – халкъ байлыгъы, ашхы джер – джашау байлыгъы.
- Джумушакъ сёз къаты таякъны сындырыр.
- Тулпарлыкъ, билекден тюл – джюрекден.
- Айырылмаз джууугъунга, унутмаз сёзню айтма.
- Керти сёзге тёре джокъ.
- Ашха уста, юйюнде болсун
- Кёбню кёрген – кёб билир.
- Бичгенде ашыкъма, тикгенде ашыкъ.
- Аз сёлеш, кёб ишле.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72