- Хансыз джомакъ болмаз.
- Иги – алгъыш этер, аман – къаргъыш этер.
- Къарт айтханны этмеген, къартаймаз.
- Сескекли кесин билдирир.
- Экеулен сёлеше тура эселе, орталарына барыб кирме.
- Ёлген аслан – сау чычхан.
- Айранны сюйген, ийнек тутар.
- Айран ичген – къутулду, джугъусун джалагъан – тутулду.
- Къатыны харакетли болса, эри къымсыз болур.
- Байма, деб да, къууанма, джарлыма, деб да, джылама.
- Адеб базарда сатылмаз.
- Элиб деген, элге болушур.
- Тик ёргени, тик энгишгеси да болады.
- Чакъырылмай келген къонакъ сыйланмай кетер.
- Ашатыргъа иш – ашхы, ишлетирге аш – ашхы.
- Джашлыкъ этмеген, башлыкъ этмез.
- Башынга джетмегенни сорма.
- Башы ишлегенни, ауузу да ишлер.
- Экеу тутушса, биреу джыгъылыр.
- Ёпкелегенни ашы татлы болады.
- Аз айтсам, кёб ангылагъыз.
- Къыйынлы джети элни къайгъысын этер.
- Ачылгъан эт джабылыр, кёрген кёз унутмаз.
- Уллу сёзде уят джокъ.
- Атлыны кёрсе, джаяуну буту талыр.
- Эркишини аманы тиширыуну джылатыр.
- Намысы болмагъанны, сыйы болмаз.
- Иги адамны бир сёзю эки болмаз.
- Байлыкъ келсе, акъыл кетер.
- Бек анасы джыламаз.
- Къан бла кирген, джан бла чыгъар.
- Ышармагъан – кюлмез, кюлмеген – къууанчны билмез.
- Юйюнгден чыкъдынг – кюнюнгден чыкъдынг.
- Ач да бол, токъ да бол – намысынга бек бол.
- Сууда джау джокъ, кёб сёзде магъана джокъ.
- Мал кёб болса, джууукъ кёб болур.
- Ашхылыкъ джерде джатмайды, аманлыкъ суугъа батмайды.
- Сакъламагъан затынга джолукъсанг, не бек къууанаса, не бек ачыйса.
- Айырылмаз джууугъунга, унутмаз сёзню айтма.
- Ишлемеген – тишлемез.
- Кютгени беш эчки, сызгъыргъаны уа, джерни джарады.
- Аманны тукъумуна къарама, игини тукъумун сорма.
- Босагъагъа джууукъ орун болса, ашыгъыб тёрге озма.
- Эл бла кёргенинг эрелей.
- Тенги кёбню джау алмаз, акъылы кёбню дау алмаз.
- Кимни – тили, тиши онглу, кимни – къолу, иши онглу.
- Адамны аманы адамны бети бла ойнар.
- Шекер бла туз – бир болмаз, ушамагъан – юй болмаз.
- Ханнга да келеди хариблик.
- Кечеси – аяз, кюню – къыш, джарлы къаргъагъа бир аш тюш!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72