- Хар адамгъа кеси миннген тау кибик.
- Башы ишлегенни, ауузу да ишлер.
- Айтхан – тынч, этген – къыйын.
- Аш иеси бла татлыды.
- Аш берме да, къаш бер.
- Ишге юренсин къоллары, халкъ бла болсун джоллары.
- Мухарны эси – ашарыкъда.
- Аш кетер да бет къалыр.
- Гугурук къычырмаса да, тангны атары къалмаз.
- Айранын берсенг, челегин да къызгъанма.
- Кюлме джашха – келир башха.
- Байлыкъ адамны сокъур этер.
- Къар – келтирди, суу – элтди.
- Къозулугъунда тоймагъан, къойлугъунда тоймаз.
- Ишлегенден, къарагъан уста.
- Джыйырма къойну юч джыйырма эбзе кюте эди.
- Къарнынг бла ёч алма.
- Кёз – сюйген джерде, къол – ауругъан джерде.
- Азыкълы ат арымаз, къатыны аман джарымаз.
- Тели турса – той бузар.
- Айранны сюйген, ийнек тутар.
- Ауузу бла къуш тута айланады.
- Гырджын – тепсини тамадасы.
- Аш хазыр болса, иш харам болур.
- Сабий кёргенин унутмаз.
- Айтылгъан сёз ызына къайтмаз.
- Айраннга суу къош, телиге джол бош.
- Къолу уллу – асыу, аягъы уллу – джарсыу.
- Ишлегенде эринме, ишде чолакъ кёрюнме.
- Ашда уялгъан – мухар, ишде уялгъан – хомух.
- Ойнаб айтсанг да, эслеб айт.
- Уллу къашыкъ эрин джыртар.
- Билим – акъылны чырагъы.
- Эки итни арасына сюек атма, эки адамны арасында сёз чыгъарма.
- Ёлген ийнек сютлю болур.
- Къаллай салам берсенг, аллай джууаб алырса.
- Дууулдаса – бал чибин, къонса – къара чибин.
- Бети – къучакълар, джюреги – бычакълар.
- Эр сокъур болсун, къатын тилсиз болсун.
- Эшекге миннген – биринчи айыб, андан джыгъылгъан – экинчи айыб.
- Телини эшигин, махтау джабар.
- Ауурну тюбю бла, дженгилни башы бла джюрюген.
- Чоюнну башы ачыкъ болса, итге уят керекди.
- Акъыллы айтыр эди, акъылсыз къоймайды.
- Ишин билген, аны сыйын чыгъарады.
- Кёл – къызбай, къол – батыр.
- Нарт сёз къарт болмаз.
- Джырына кёре эжиую.
- Орну джокъну – сыйы джокъ.
- Байдан умут эте, джарлыдан ёгюз багъасы къорады.
Профиль
|
.Ъ.
 Эльбрусоид
Cообщений: 111
Баллов: 88
Регистрация: 13.01.2012
Последний визит: 22.09.2018 20:02:34
|
|
||||||
|
|
|
||||||