- Ишни ахырын ойламай, аллын башлама.
- Намысы джокъну – дуниясы джокъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тил бла келеди джыр да.
- Таш ата билмеген, башына урур.
- Билимден уллу байлыкъ джокъду.
- Адеб этмеген, адеб кёрмез.
- Сабий кёргенин унутмаз.
- Мадар болса, къадар болур.
- Ата – баланы уясы.
- Тойгъан джерден туугъан джер игиди.
- От этилмеген джерден тютюн чыкъмайды.
- Ойнай-ойнай кёз чыгъар.
- Ач отунчуну ачыуу – бурнунда.
- Аманнга игилик этсенг, юйюнге сау бармазса.
- Иесиз малны бёрю ашар.
- Хатерли къул болур.
- Джан саулукъ бермей, сан саулукъ бермезсе.
- Кёзню ачылгъаны – иги, ауузну джабылгъаны – иги.
- Тамчы таш тешер.
- Къазанчы аман болса, къазаны къайнамаз.
- Бал ашаргъа сюе эсенг, чибин ургъаннга тёз.
- Ачыу алгъа келсе, акъыл артха къалады.
- Бойнуму джети джерден кессенг да, мен ол ишни этеллик тюлме.
- Байлыкъ келсе, акъыл кетер.
- Къонакъ болсанг, ийнакъ бол.
- Башланнган иш битер, къымылдагъан тиш тюшер.
- Бал чибинни ургъаны – ачы, балы – татлы.
- Ауругъан – джашаудан умутчу.
- Джюрек кёзден алгъа кёрюр.
- Мени джылытмагъан кюн, меннге тиймесин!
- Джахил болса анасы, не билликди баласы?
- Кёрмегеннге кебек – танг, битмегеннге сакъал – танг.
- Эм ашхы къайын ана мамукъ бла башынгы тешер.
- Юй ишлеген балта эшикде къалыр.
- Халкъны юйю – туугъан джери.
- Адеби болмагъан къыз – тузсуз хант.
- Кесинге джетмегенни, кёб сёлешме.
- Мухарны эси – ашарыкъда.
- Хантына кёре тузу, юйюне кёре къызы.
- Сагъышы джокъ – джукъучу, акъылы джокъ – къаугъачы.
- Таукелге нюр джауар.
- Ауузу бла къуш тута айланады.
- Джырчы джырчыгъа – къарнаш.
- Окъумагъан сокъурду, сокъур ташха абыныр!
- Къонакъны къачан кетерин сорма, къачан келлигин сор.
- Ашатыргъа иш – ашхы, ишлетирге аш – ашхы.
- Окъугъан – асыу, окъумагъан – джарсыу.
- Джаралыны джастыгъында сау ёлюр.
- Сабийни джумушха джибер да, ызындан бар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72