- Аякъларынгы джууургъанынга кёре узат.
- Элге къуллукъ этмеген, элге ие болмаз.
- Ойнай билмеген, оюн бузар.
- Аллахха ийнаннган кишини, Аллах онгдурур ишин.
- Ушамагъан – джукъмаз.
- Нёгер болсанг, тенг бол, тенг болмасанг, кенг бол.
- Тойгъан джерден туугъан джер игиди.
- Джумушакъ сёз къаты таякъны сындырыр.
- Халкъны джырын джырласанг, халкъ санга эжиу этер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Сууда джау джокъ, кёб сёзде магъана джокъ.
- Тилсиз миллет джокъ болур.
- Гугук кесини атын айтыб къычыргъанча, мен, мен деб нек тураса?
- Аман къатын сабий табса, бий болур…
- Билим насыб берир, билим джолну керир.
- Ёмюрлюк шохлукъну джел элтмез.
- Аманны къуугъан, аманлыкъ табар.
- Тёзген – тёш ашар!
- Мухардан ач ычхынмаз.
- Насыблы элин сюер, насыбсыз кесин сюер.
- Шекер бла туз – бир болмаз, ушамагъан – юй болмаз.
- Чомарт бергенин айтмаз.
- Ёзденликни джайгъан – джокълукъ.
- Джахил болса анасы, не билликди баласы?
- Зарда марда джокъ.
- Къулакъдан эсе, кёзге ышан.
- Къаллай салам берсенг, аллай джууаб алырса.
- Тешик этген тынчды, аны джамагъан къыйынды.
- Кёбден умут этиб, аздан къуру къалма.
- Сыфатында болмагъаны, суратында болмаз.
- Аджаллыгъа окъсуз шкок атылыр.
- Рысхы – сют юсюнде кёмюк кибикди.
- Юйюнгден чыкъдынг – кюнюнгден чыкъдынг.
- Харам къарнашдан, халал тенг ашхы.
- Тойгъа алгъа да барма, тойда артха да къалма.
- Биреуню къыйынлыгъы бла кесинге джол ишлеме.
- Тилде сюек болмаса да, сюек сындырыр.
- Адамны аманы адамны бети бла ойнар.
- Сёз сёзню айтдырыр.
- Шапа кёб болса, аш татымсыз болур.
- Ашхы тенг джолгъа салыр, аман тенг джолдан тайдырыр.
- Юйлю уругъа ит чабмаз.
- Кюлме джашха – келир башха.
- Уллу суу бла уллу ауруудан башынгы сакъла.
- Адамны бетине къарама, адетине къара.
- Ата джурт – алтын бешик.
- Ёлмесенг да, къарт дамы болмазса?
- Сабийликде юретмесенг, уллу болса – тюзелмез.
- Эки къатын алгъан – эки ташны ортасына башын салгъан.
- Этек чакъмакълары баш джаргъан, сёлешген сёзлери таш джаргъан.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72