Эльбрусоид :: Форум

Джолунга кёре – джюрюшюнг, джагъанга кёре – юлюшюнг.
Кёб ант этген, кёб ётюрюк айтыр.
Сёлеш деб шай берген, тохта деб, сом берген.
Эркишини аманы тиширыуну джылатыр.
Адамгъа аман кюн соруб келмейди.
Тилде сюек болмаса да, сюек сындырыр.
Бойнуму джети джерден кессенг да, мен ол ишни этеллик тюлме.
Сабийликде юретмесенг, уллу болса – тюзелмез.
Ёзденликни кёбю ётюрюк.
Къонагъынгы артмагъын алма да, алгъышын ал.
Нёгерсизни джолу узун.
Ауурну тюбю бла, дженгилни башы бла джюрюген.
Адам боллукъ, атламындан белгили болур.
Чёбню кёлтюрсенг, тюбюнден сёз чыгъар.
Шекер бла туз – бир болмаз, ушамагъан – юй болмаз.
Байны къызы баймакъ болса да, юйде къалмаз!
Башсыз урчукъ тюзюне айланмаз.
Иги адамны бир сёзю эки болмаз.
Сибиртки да сыйлы болду, кюрек да кюнлю болду.
Тойгъандан сора, ашны сёкме.
Гыдай эчки суугъа къараб, мюйюзле кёрмесе, джашма алкъын, дегенди.
Ариу сёз – джаннга азыкъ, аман сёз – башха къазыкъ.
Билмейме деген – бир сёз
Къартны сыйын кёрмеген, къартлыгъында сыйлы болмаз.
Къазанны башы ачыкъ болса, итге уят керекди.
Эл элде бирер малынг болгъандан эсе, бирер тенгинг болсун.
Кийим тукъум сордурур.
Ауругъаннга – кийик саулукъ, джетген къызгъа – чилле джаулукъ.
Юйлю уругъа ит чабмаз.
Тойгъа барсанг, тоюб бар, эски тонунгу къоюб бар.
Кёбден умут этиб, аздан къуру къалма.
Киштикге къанат битсе, чыпчыкъ къалмаз эди.
Эм ашхы къайын ана мамукъ бла башынгы тешер.
Ойнай билмеген, уруб къачар.
Таугъа чыгъаллыкъ эсенг, тюзде къалма.
Намысы джокъну – дуниясы джокъ.
Тенгни тенглиги джашай барсанг билинир.
Айтылгъан буйрукъ, сёгюлмез
Ашын ашагъанынгы, башын да сыйла.
Тойгъанлыкъ къойгъа джарашады.
Аш кетер да бет къалыр.
Босагъагъа джууукъ орун болса, ашыгъыб тёрге озма.
Урунуу – насыбны анасы.
Сёз – кюмюш, джыр – алтын.
Аз сёлешген, къайгъысыз турур.
Акъыл бла адеб эгизледиле.
Чомартны къолун джокълукъ байлар.
Акъыл аздырмаз, билим тоздурмаз.
Кёбню кёрген – кёб билир.
Иги болса, тамадама – махтау, аман болса, меннге – айыб.

Логин:
Пароль:
	Запомнить меня на этом компьютере

Забыли свой пароль?
Регистрация