- Аууз сакълагъан – джан сакълар.
- Ана кёлю – балада, бала кёлю – талада.
- Джаз бир кюнню джатсанг, къыш талай кюнню абынырса.
- Эр абынмай, эл танымаз.
- Ашлыкъны арба юйге келтирир, чана базаргъа элтир.
- Ишин билген, аны сыйын чыгъарады.
- Къарын къуру болса, джюрек уру болур.
- Ачыкъ джюрекге джол – ачыкъ.
- Ат басханны джер билед.
- Тыш элде солтан болгъандан эсе, кесинги элде олтан болгъан игиди!
- Тойгъанлыкъ къойгъа джарашады.
- Адеб этмеген, адеб кёрмез.
- Ариу сёз аурууунгу алыр.
- Хунаны тюбюн къазсанг, юсюнге ауар.
- Билим ат болуб да чабар, къуш болуб да учар.
- Къолунгдан къуймакъ ашатсанг да, атаны борчундан къутулмазса.
- Эки итни арасына сюек атма, эки адамны арасында сёз чыгъарма.
- Малны кют, джерни тюрт.
- Тенгни тенглиги джашай барсанг билинир.
- Байны оноуу, джарлыгъа джарамаз.
- Акъыллы башны – тили къысха.
- Урама да – ёледи, сатама да – келеди.
- Къарт болгъан джерде, берекет болур, сабий болгъан джерде, оюн болур.
- Кёбге таш атма.
- Ёксюзню къалачы уллу кёрюнюр.
- Гугурук къычырмаса да, тангны атары къалмаз.
- Джети тилни билген джети кишиди.
- Аман адам элни бир-бирине джау этер.
- Тойгъа барсанг, тоюб бар, эски тонунгу къоюб бар.
- Ач келгенни – тойдур, кеч келгенни – къондур.
- От кюйдюрген, сау болса да, тот кюйдюрген, сау болмаз.
- Арба аугъандан сора, джол кёргюзтюучю кёб болур.
- Билимли ёлмез, билимсиз кёрмез.
- Ауругъаннга – кийик саулукъ, джетген къызгъа – чилле джаулукъ.
- Джеринден айырылгъан – джети джылар, джуртундан айырылгъан – ёлгюнчю джылар.
- Терслик кетер, тюзлюк джетер.
- Чомарт къонакъ юй иесин сыйлар.
- Эркишини аманы тиширыуну джылатыр.
- Башы ишлегенни, ауузу да ишлер.
- Джырына кёре эжиую.
- Азыгъы аз, алгъа къабар, аты аман, алгъа чабар.
- Ашатыргъа иш – ашхы, ишлетирге аш – ашхы.
- Адам къаллай бир ишленмесе, аллай бир кесин уллу кёреди.
- Адебсиз адам – джюгенсиз ат.
- Аманнга да, игиге да оноусуз къатышма.
- Байлыкъ тауусулур, билим тауусулмаз.
- Келинин тута билмеген, къул этер, къызын тута билмеген, тул этер.
- Тик ёргени, тик энгишгеси да болады.
- Къонагъынгы артмагъын алма да, алгъышын ал.
- Азыкъ аз болса, эртде орун сал.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72