Эльбрусоид :: Форум

Юйюнг бла джау болгъандан эсе, элинг бла джау бол.
Сёз къанатсыз учар.
Ёгюзню мюйюзюнден тутадыла, адамны сёзюнден тутадыла.
Ёпкелегенни ашы татлы болады.
Таш ата билмеген, башына урур.
Биреуню къыйынлыгъы бла кесинге джол ишлеме.
Чомартха хар кюн да байрамды.
Чомарт къолда мал къалмаз.
Магъанасыз сёз – тауушсуз сыбызгъы.
Мухар, кеси тойса да, кёзю тоймаз.
Джырчы ёлсе, джыры къалыр.
Мал ёлсе, сюек къалыр, адам ёлсе, иши къалыр.
Кютгени беш эчки, сызгъыргъаны уа, джерни джарады.
Тойгъан джерге джети къайт.
Иги бла джюрюсенг, джетерсе муратынга, аман бла джюрюсенг, къалырса уятха.
Эринчекни эр алмаз, эр алса да, кёл салмаз, кёл салса да, кёб бармаз!
Кёзю сокъурдан – къоркъма, кёлю сокъурдан – къоркъ.
Чомартны къолун джокълукъ байлар.
Айтханы чапыракъдан ётмеген.
Кёз – сюйген джерде, къол – ауругъан джерде.
Эки къатын алгъан – эки ташны ортасына башын салгъан.
Малны кют, джерни тюрт.
Къыз чыгъаргъан – къызыл къымжа.
Ат да турмайды бир териде.
Эл элде бирер малынг болгъандан эсе, бирер тенгинг болсун.
Чалманны аллы къалай башланса, арты да алай барады.
Адеб этмеген, адеб кёрмез.
Тюзлюк тас болмайды.
Къонакъ болсанг, ийнакъ бол.
Чарсда алчыны эл кёреди.
Джол бла сёзню къыйыры джокъ.
Бети – къучакълар, джюреги – бычакълар.
Тюз сёз баргъан сууну тыяр.
Ата Джуртуму башы болмасам да, босагъасында ташы болайым.
Чакъырылмай келген къонакъ сыйланмай кетер.
Ачылгъан эт джабылыр, кёрген кёз унутмаз.
Хар сёзню орну барды.
Аман хансны – урлугъу кёб.
Нафысынгы айтханын этме, намысынгы айтханын эт.
Къатын байлыкъны сюер, эр саулукъну сюер.
Къарт айтханны этмеген, къартаймаз.
Зар адам ашынгы ашар, кесинги сатар.
Берекет берсин деген джерде, берекет болур.
Тюзлюк шохлукъну бегитир.
Рысхы – сют юсюнде кёмюк кибикди.
Айранын берсенг, челегин да къызгъанма.
Мураты болгъанны джюрек тебюую башхады.
Ашарыкъда сайлагъаннга – чий гырджын.
Аллахдан тилесенг, кёб тиле.
Биреуге аманлыкъны тилеме да, кесинге ашхылыкъны тиле.

Логин:
Пароль:
	Запомнить меня на этом компьютере

Забыли свой пароль?
Регистрация