- Эркишини аманы тиширыуну джылатыр.
- Сакъалы текени да бар, мыйыгъы киштикни да бар.
- Кийим тукъум сордурур.
- Къатыны харакетли болса, эри къымсыз болур.
- Эки къатын алгъанны къулагъы тынгнгаймаз.
- Ашда – бёрю, ишде – ёлю.
- Элиб деген, элге болушур.
- Кёпюр салгъан кеси ётер, уру къазгъан кеси кетер.
- Джарлыны эшигин махтагъан джабар.
- Байлыкъ тауусулур, билим тауусулмаз.
- Сагъышы джокъ – джукъучу, акъылы джокъ – къаугъачы.
- Кёзню ачылгъаны – иги, ауузну джабылгъаны – иги.
- Нарт сёз – тилни бети.
- Зар адамны насыбы болмаз.
- Къууут – джелге, берне – бошха.
- Билими азны – ауузунда кирит.
- Юйлю уругъа ит чабмаз.
- Киштикге къанат битсе, чыпчыкъ къалмаз эди.
- Ашхы тенг джолгъа салыр, аман тенг джолдан тайдырыр.
- Ёпкелегенни ашы татлы болады.
- Тёзген – тёш ашар!
- Хаухну атма, ёнгкючню сатма.
- Тюзлюк шохлукъну бегитир.
- Джогъун бар этген, барын бал этген.
- Тюз сёз баргъан сууну тыяр.
- Башланнган иш битер, къымылдагъан тиш тюшер.
- Адам къаллай бир ишленмесе, аллай бир кесин уллу кёреди.
- Тешигини къатында, чычхан да батыр болур.
- Эл ауузу – элия.
- Тил джюрекге джол ишлейди.
- Ишленмеклик адамлыкъды.
- Бозанг болмагъан джерге, къалагъынгы сукъма.
- Битмегеннге сакъал – танг.
- Сескекли кесин билдирир.
- Насыб бютеу халкъны юлюшюдю.
- Адеб этмеген, адеб кёрмез.
- Ач бёрюге мекям джокъ.
- Ёзденликни джайгъан – джокълукъ.
- Сабий кёргенин унутмаз.
- Аманнга да, игиге да оноусуз къатышма.
- Рысхы джалгъанды: келген да этер, кетген да этер.
- Олтуруб кёрюнмей эди да, ёрге туруб кёрюне эди.
- Бал чибинни ургъаны – ачы, балы – татлы.
- Мен да «сен», дейме, сен да «кесим», дейсе.
- Джети тилни билген джети кишиди.
- Хар адамгъа кеси миннген тау кибик.
- Сыфатында болмагъаны, суратында болмаз.
- Байлыкъ болгъан джерде, тынчлыкъ джокъду.
- Суу кетер, таш къалыр.
- Акъылсызны джууукъгъа алма, акъыллыны кенгнге салма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72