- Джырына кёре эжиую.
- Къыйынлы джети элге оноу этер.
- Кёб ант этген, кёб ётюрюк айтыр.
- Кёрмегеннге кебек – танг, битмегеннге сакъал – танг.
- Чарсда алчыны эл кёреди.
- Тили узунну, намысы – къысха.
- Ана къолу ачытмаз.
- Тёзген – тёш ашар!
- Сабийни джумушха джибер да, ызындан бар.
- Биреуню къыйынлыгъы бла кесинге джол ишлеме.
- Терслик кетер, тюзлюк джетер.
- Татлы тилде – сёз ариу, чемер къолда – иш ариу.
- Бек ашыкъгъан меннге джетсин, дегенди аракъы.
- Ётюрюкню къуйругъу – бир тутум.
- Чабакъсыз кёлге къармакъ салгъанлыкъгъа, чабакъ тутмазса.
- Джюз элде джюз ёгюзюм болгъандан эсе, джюз джууугъум болсун.
- Иги сёз – джаннга азыкъ, аман сёз башха – къазыкъ.
- Адам боллукъ, атламындан белгили болур.
- Айтхан – тынч, этген – къыйын.
- Урунуу – насыбны анасы.
- Сабий болмагъан джерде, мёлек болмаз.
- Тойгъан антын унутур.
- Бал чибинни ургъаны – ачы, балы – татлы.
- Байлыкъ келсе, акъыл кетер.
- Бойнуму джети джерден кессенг да, мен ол ишни этеллик тюлме.
- Къобан да къуру да къобханлай турмайды, адам да къуру да патчахлай турмайды.
- Уллу сёзде уят джокъ.
- Илму – джашауну джолу.
- Кёб къычыргъандан – къоркъма, тынч олтургъандан – къоркъ.
- Биреуню тёрюнден, кесинги эшик артынг игиди.
- Аман адамны тепсинге олтуртсанг, къызынгы тилер.
- Игиге айтсанг – билир, аманнга айтсанг – кюлюр.
- Къатыны харакетли болса, эри къымсыз болур.
- Гыдай эчки суугъа къараб, мюйюзле кёрмесе, джашма алкъын, дегенди.
- Таукел адам тау тешер.
- Сёз – кюмюш, джыр – алтын.
- Окъугъан озар, окъумагъан тозар.
- Азыгъы аз, алгъа къабар, аты аман, алгъа чабар.
- Абынмазлыкъ аякъ джокъ, джангылмазлыкъ джаякъ джокъ.
- Мураты болгъанны джюрек тебюую башхады.
- Сууда джау джокъ, кёб сёзде магъана джокъ.
- Билимсиз иш бармаз.
- Эл ауузу – элия.
- Башы джабылгъан челекге, кир тюшмез.
- Ариу сёзде ауруу джокъ.
- Ачыкъ джюрекге джол – ачыкъ.
- Адамны сыфатына къарама, сёзюне къара.
- Ёнгкюч къууана барыр, джылай келир.
- Биреу ашаб къутулур, биреу джалаб тутулур.
- Джюрекден джюрекге джол барды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72