- Эркишиге тары кебек танг кёрюнюр.
- Чомарт къонакъ юй иесин сыйлар.
- Адеб этмеген, адеб кёрмез.
- Кёб къычыргъандан – къоркъма, тынч олтургъандан – къоркъ.
- Ёксюзню къалачы уллу кёрюнюр.
- Къарт бла баш аша, джаш бла аякъ аша.
- Къазанчы аман болса, къазаны къайнамаз.
- Тёрдеги кюлсе, эшикдеги ышарыр.
- Суу да къайтады чыкъгъан джерине.
- Атадан ёксюз – бир ёксюз, анадан ёксюз – эки ёксюз.
- Суу кетер, таш къалыр.
- Тюзню ётмеги тюзде къалса да, тас болмаз.
- Эринчекге кюн узун.
- Уллу къазанда бишген эт, чий къалмаз.
- Акъыл неден да кючлюдю.
- Мураты болгъанны джюрек тебюую башхады.
- Сууда джау джокъ, кёб сёзде магъана джокъ.
- Къызны минг тилер, бир алыр.
- Кюлме джашха – келир башха.
- Минг тенг да азды, бир джау да кёбдю.
- Аууз сакълагъан – джан сакълар.
- Юй ишлеген балта эшикде къалыр.
- Ёзденликни кёбю ётюрюк.
- Кёл – къызбай, къол – батыр.
- Джахил болса анасы, не билликди баласы?
- Акъыл бла адеб эгизледиле.
- Миллетни бойну – базыкъ, аны бла кюрешген – джазыкъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Мухар, кеси тойса да, кёзю тоймаз.
- Билгенни къолу къарны джандырыр.
- Билими азны – ауузунда кирит.
- Байлыкъ адамны сокъур этер.
- Биреуню къыйынлыгъы бла кесинге джол ишлеме.
- Джырчы джырчыгъа – къарнаш.
- Керилген да, ургъан кибикди.
- Ауругъан – джашаудан умутчу.
- Чомартны къолу берекет.
- Аджашханны ызындагъы кёреди, джангылгъанны джанындагъы биледи.
- Тау башында, тау болмаз, джангыз терек, бау болмаз.
- Таш бла ургъанны, аш бла ур.
- Кесинге джетмегенни, кёб сёлешме.
- Олтуруб кёрюнмей эди да, ёрге туруб кёрюне эди.
- Нафысынгы айтханын этме, намысынгы айтханын эт.
- Джашынгы кесинг юретмесенг, джашау юретир.
- Тели турса – той бузар.
- Халкъны юйю – туугъан джери.
- Къонагъы джокъну – шоху джокъ.
- Айраннга суу къош, телиге джол бош.
- Джаным-тиним – окъуу, билим.
- Кенгеш болса, уруш болмаз.
Профиль
|
|
|||