- Джашлыкъ этмеген, башлыкъ этмез.
- От кюйдюрген, сау болса да, тот кюйдюрген, сау болмаз.
- Ёксюзню тилеги къабыл болур.
- Кёл – къызбай, къол – батыр.
- Окъ къызбайны джокълайды.
- Къызны минг тилер, бир алыр.
- Джумушакъ сёз къаты таякъны сындырыр.
- Эшекни не къадар тюйсенг да, ат болмаз.
- Аман эсирсе, юйюн ояр.
- Мал ёлсе, сюек къалыр, адам ёлсе, иши къалыр.
- Эл элде бирер малынг болгъандан эсе, бирер тенгинг болсун.
- Къобан да къуру да къобханлай турмайды, адам да къуру да патчахлай турмайды.
- Аякъларынгы джууургъанынга кёре узат.
- Мухардан ач ычхынмаз.
- Кесине оноу эте билмеген, халкъына да эте билмез.
- Аджалсыз ёлюм болмаз.
- Азыкълы ат арымаз, къатыны аман джарымаз.
- Алма терегинден кери кетмез.
- Экеу тутушса, биреу джыгъылыр.
- Бек ашыкъгъан меннге джетсин, дегенди аракъы.
- Къарны аманнга къазан такъдырма, къолу аманнга от джакъдырма.
- Сангырау къулакъ эл бузар.
- Хар сёзню орну барды.
- Тилчиден кери бол.
- Ашхы – джыяр, аман – джояр.
- Джылар джаш, атасыны сакъалы бла ойнар.
- Тюзлюк шохлукъну бегитир.
- Адам боллукъ, атламындан белгили болур.
- Къанны къан бла джуума, аманны аман бла къуума.
- Кийиминг бла танылма, адамлыкъ бла таныл.
- Чабакъгъа акъыл, табагъа тюшсе келеди.
- Эртде тургъан бла эртде юйленнген сокъуранмаз.
- Сыфатында болмагъаны, суратында болмаз.
- Джаным-тиним – окъуу, билим.
- Къыйынлы джети элни къайгъысын этер.
- Дуния малгъа сатылма, кесингден телиге къатылма.
- «Ма», - дегенни билмесенг, «бер», - дегенни билмезсе.
- Насыб бютеу халкъны юлюшюдю.
- Ёлген эшек бёрюден къоркъмайды.
- Иги болса, тамадама – махтау, аман болса, меннге – айыб.
- Уллу къазанда бишген эт, чий къалмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Келинни – келгинчи, бёркню кийгинчи кёр.
- Ашлыкъны арба юйге келтирир, чана базаргъа элтир.
- Чалманны аллы къалай башланса, арты да алай барады.
- Бети бедерден, намыс сакълама.
- Эр абынмай, эл танымаз.
- Алгъанда – джууукъ, бергенде – джау.
- Ашда – бёрю, ишде – ёлю.
- Уллу суу бла уллу ауруудан башынгы сакъла.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72