Эльбрусоид :: Форум

Кесине оноу эте билмеген, халкъына да эте билмез.
Ашхы болсанг, атынг чыгъар, аман болсанг, джанынг чыгъар.
Ат басханны джер билед.
Чёбню кёлтюрсенг, тюбюнден сёз чыгъар.
Гыдай эчки суугъа къараб, мюйюзле кёрмесе, джашма алкъын, дегенди.
Ёлюр джаннга, ёкюл джокъ.
Чомарт къолда мал къалмаз.
Иесиз малны бёрю ашар.
Ашлыкъ – бюртюкден, джюн – тюкден.
Керилген да, ургъан кибикди.
Ёксюзню тилеги къабыл болур.
Джюрекге ариу – кёзге да ариу.
Юй кюйдю да, кюйюз чыкъды, ортасындан тюйюш чыкъды.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Ёгюзню мюйюзлери ауурлукъ этмейдиле.
Къанны къан бла джуума, аманны аман бла къуума.
Эртде тургъан джылкъычыны эркек аты тай табар.
Кёзюнде тереги болгъан, чёбю болгъаннга кюле эди.
Игини сыйлагъан адетди.
Онгсузну – джакъла, тенгликни – сакъла.
Джумушакъ терекни къурт ашар.
Къазанчы аман болса, къазаны къайнамаз.
Чакъырылмагъан къонакъ – орунсуз.
Окъуу – билимни ачхычы, окъуу – дунияны бачхычы.
Адамгъа аман кюн соруб келмейди.
Тойну къарнашы – харс, джырны къарнашы – эжиу.
Адам сёзге тынгыла, акъыл сёзню ангыла.
Тюзлюк шохлукъну бегитир.
Ишге юренсин къоллары, халкъ бла болсун джоллары.
Къызын тута билмеген, тул этер, джашын тута билмеген, къул этер.
Чакъырылмагъан джерге барма, чакъырылгъан джерден къалма.
Къайгъы тюбю – тенгиз.
Чакъырылмагъан къонакъ къачан кетерин сормаз.
Къаллай салам берсенг, аллай джууаб алырса.
Джашда акъыл джокъ, къартда къарыу джокъ.
Бек анасы джыламаз.
Ач да бол, токъ да бол – намысынга бек бол.
Чабакъгъа акъыл, табагъа тюшсе келеди.
Акъыллы – эл иеси, тели – эл баласы.
Ойнай билмеген, оюн бузар.
Тили узунну, намысы – къысха.
Узун джолну барсанг, бюгюн келирсе, къысха джолну барсанг, тамбла келирсе.
Къатын байлыкъны сюер, эр саулукъну сюер.
Орундукъ тюбюнде атылсам да, орта джиликме, де да айлан.
Атлыны ашхысы, ат тизгининден билинир
Аман къатын сабий табса, бий болур…
Киштикге къанат битсе, чыпчыкъ къалмаз эди.
Кюн – узун, ёмюр – къысха.
Аз айтсам, кёб ангылагъыз.
Таукел адам тау тешер.

Логин:
Пароль:
	Запомнить меня на этом компьютере

Забыли свой пароль?
Регистрация