- Арыгъан къош чамчы болур.
- Элге къуллукъ этмеген, элге ие болмаз.
- Айранны сюйген, ийнек тутар.
- Юй ишлеген балта эшикде къалыр.
- Сакъ юйюне сау барыр.
- Билим насыб берир, билим джолну керир.
- Къан бла кирген, джан бла чыгъар.
- Алтыда кюлмеген, алтмышда кюлмез.
- Къатыны харакетли болса, эри къымсыз болур.
- Айныгъанлы алты кюн, тогъайгъанлы тогъуз кюн.
- Чарсда алчыны эл кёреди.
- Ёлген ийнек сютлю болур.
- Келгинчи, къонакъ уялыр, келгенден сора, къонакъбай уялыр.
- Ёгюзню мюйюзюнден тутадыла, адамны сёзюнден тутадыла.
- Эки ойлашыб, бир сёлешген.
- Таула не мийик болсала да, аууш табылыр.
- Aдам боллукъ, сыфатындан белгили.
- Ачлыкъ отха секиртир.
- Хунаны тюбюн къазсанг, юсюнге ауар.
- Алгъанда – джууукъ, бергенде – джау.
- Мадар болса, къадар болур.
- Къыйынлы джети элге оноу этер.
- Тил – кесген бычакъ, сёз – атылгъан окъ.
- Элни кючю – эмеген.
- Эл тойса, тоймагъан, эл къойса, къоймагъан.
- Артына баргъанны, къатына барма.
- Садакъачыны джаны – къапчыгъында.
- Ашыкъгъанны этеги бутуна чырмалыр.
- Хансыз джомакъ болмаз.
- Эркишини аманы тиширыуну джылатыр.
- Тюкюрюк баш джармаз, налат кёз чыгъармаз!
- Эринчекни аурууу – кёб.
- Тенгинг джокъ эсе – изле, бар эсе – сакъла!
- Адеб этмеген, адеб кёрмез.
- Акъыл бла адеб эгизледиле.
- Кёрмегеннге кебек – танг, битмегеннге сакъал – танг.
- Эл ауузу – элек, анга ийнаннган – халек.
- Ана кёлю – балада, бала кёлю – талада.
- Ёксюзню тилеги къабыл болур.
- Таукелге нюр джауар.
- Кечеси – аяз, кюню – къыш, джарлы къаргъагъа бир аш тюш!
- Аууздан келген, къолдан келсе, ким да патчах болур эди.
- Аманны эки битли тону болур, бирин сеннге кийдирир, бирин кеси киер.
- Аджашханны ызындагъы кёреди, джангылгъанны джанындагъы биледи.
- Булут кёкге джарашыу, уят бетге джарашыу.
- Сютден ауузу кюйген, суугъа юфгюре эди.
- Ашаса, ашамаса да, бёрюню ауузу – къан.
- Халкъны юйю – туугъан джери.
- Айтханы чапыракъдан ётмеген.
- Чакъырылмагъан джерге барма, чакъырылгъан джерден къалма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72