- Артына баргъанны, къатына барма.
- Тойгъан антын унутур.
- Кеси юйюмде мен да ханма.
- Азыкълы ат арымаз, къатыны аман джарымаз.
- Гугук кесини атын айтыб къычыргъанча, мен, мен деб нек тураса?
- Аджашхан тёгерек айланыр.
- Аз сёлеш, кёб ишле.
- Эртде тургъан джылкъычыны эркек аты тай табар.
- Игиге айтсанг – билир, аманнга айтсанг – кюлюр.
- Мураты болгъанны джюрек тебюую башхады.
- Кечеси – аяз, кюню – къыш, джарлы къаргъагъа бир аш тюш!
- Башы ишлегенни, ауузу да ишлер.
- Таукелге нюр джауар.
- Чарсда алчыны эл кёреди.
- Узун джолну барсанг, бюгюн келирсе, къысха джолну барсанг, тамбла келирсе.
- Келинин тута билмеген, къул этер, къызын тута билмеген, тул этер.
- Адеб этмеген, адеб кёрмез.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тай асырагъан, атха минер.
- Тойгъа алгъа да барма, тойда артха да къалма.
- Къарын къуру болса, джюрек уру болур.
- Хансыз джомакъ болмаз.
- Ата Джуртча джер болмаз, туугъан элча эл болмаз.
- Ата Джуртун танымагъан, атасын да танымаз.
- Игини сыйлагъан адетди.
- Башынга джетмегенни сорма.
- Кёзню ачылгъаны – иги, ауузну джабылгъаны – иги.
- Урама да – ёледи, сатама да – келеди.
- Сабийликде юретмесенг, уллу болса – тюзелмез.
- Элде адам къалмаса, ит тахтагъа минер.
- Ата – баланы уясы.
- Минг тенг да азды, бир джау да кёбдю.
- Сангырау къулакъ эл бузар.
- Сёз сёзню айтдырыр.
- Аманнга алтын чыдамаз.
- Аманнга игилик этсенг, юйюнге сау бармазса.
- Кийиминг бла танылма, адамлыкъ бла таныл.
- Кёзю сокъурдан – къоркъма, кёлю сокъурдан – къоркъ.
- Нёгер болсанг, тенг бол, тенг болмасанг, кенг бол.
- Эл тойса, тоймагъан, эл къойса, къоймагъан.
- Биреуге кёлтюрген таягъынг, кесинги башынга урур.
- Атадан ёксюз – бир ёксюз, анадан ёксюз – эки ёксюз.
- Орундукъ тюбюнде атылсам да, орта джиликме, де да айлан.
- Хазыр ашха – терен къашыкъ.
- Ашхы сёз таш тешер.
- Айныгъанлы алты кюн, тогъайгъанлы тогъуз кюн.
- Чыкълы кюнде чыкъмагъан, чыкъса къуру кирмеген.
- Зар адам ашынгы ашар, кесинги сатар.
- Бюгюн дуния кибик, тамбла ахыратды.
- Ач къалгъандан, кеч къалгъан къолай.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72