Эльбрусоид :: Форум

Берекет берсин деген джерде, берекет болур.
Кёлсюзден сёзсюз тууар.
Юйюнгден чыкъдынг – кюнюнгден чыкъдынг.
Сангырау къулакъ эл бузар.
Къарнынг къанлынга кийирир.
Къатын къылыкъсыз, эр тынчлыкъсыз.
Аз сёлешген, къайгъысыз турур.
Ата джурт – алтын бешик.
Булут кёкге джарашыу, уят бетге джарашыу.
Зар адам ашынгы ашар, кесинги сатар.
Джангыз торгъай джырламаз.
Уллу атлама – абынырса, уллу къабма – къарылырса.
Айыбны суу бла джууалмазса.
Кечеси – аяз, кюню – къыш, джарлы къаргъагъа бир аш тюш!
Ариу сёз – джаннга азыкъ, аман сёз – башха къазыкъ.
Чомарт къолда мал къалмаз.
От кюйдюрген, сау болса да, тот кюйдюрген, сау болмаз.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Ата – билек, ана – джюрек!
Джолунга кёре – джюрюшюнг, джагъанга кёре – юлюшюнг.
Къонагъы джокъну – шоху джокъ.
Ач, тоймам, дейди, тойгъан, ач болмам, дейди.
Орну джокъну – сыйы джокъ.
Биреуге аманлыкъ этиб, кесинге игилик табмазса.
Хунаны тюбюн къазсанг, юсюнге ауар.
Джаз бир кюнню джатсанг, къыш талай кюнню абынырса.
Джаралыны джастыгъында сау ёлюр.
Агъач – джерни чырайы, кийим – эрни чырайы.
Билим ат болуб да чабар, къуш болуб да учар.
Эшекге миннген – биринчи айыб, андан джыгъылгъан – экинчи айыб.
Тай асырагъан, атха минер.
Аманны тукъумуна къарама, игини тукъумун сорма.
Ана – юйню кюн джарыгъы.
Иги адамны бир сёзю эки болмаз.
Айран ичген – къутулду, джугъусун джалагъан – тутулду.
Мен да «сен», дейме, сен да «кесим», дейсе.
Къанны къан бла джуума, аманны аман бла къуума.
Тилчиден кери бол.
Чабар ат – джетген къыз.
Эл ауузу – элек, анга ийнаннган – халек.
Джюрек кёзден алгъа кёрюр.
Эл бла кёргенинг эрелей.
Ач отунчуну ачыуу – бурнунда.
Билими азны – ауузунда кирит.
Кёзю сокъурдан – къоркъма, кёлю сокъурдан – къоркъ.
Ёлмесенг да, къарт дамы болмазса?
Кёл – къызбай, къол – батыр.
Ач бёрюге мекям джокъ.
Термилгенинги табмазса, кюлгенинге тюберсе.
Джылкъыдан – ат чыгъар, тукъумдан – джаш чыгъар.

Логин:
Пароль:
	Запомнить меня на этом компьютере

Забыли свой пароль?
Регистрация