- Кёл ашады да, кеси ашады.
- Къуллукъчума, деб махтанма, къуллукъ – хаух джамчыды!
- От этилмеген джерден тютюн чыкъмайды.
- Ариуну – ауруу кёб.
- Кесинге джетмегенни, кёб сёлешме.
- Суугъа – чабакъ, къаягъа – ыргъакъ.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Башда акъыл болмаса, эки аякъгъа кюч джетер.
- Кюн кёрмеген, кюн кёрсе, кюндюз чыракъ джандырыр.
- Аз сёлешген, къайгъысыз турур.
- Этни бети бла шорпасы.
- Уллу сёзде уят джокъ.
- Джашлыкъ этмеген, башлыкъ этмез.
- Сёз сёзню айтдырыр.
- Чабакъ башындан чирийди.
- Ач къарынны, токъ билмез
- Чомарт къолда мал къалмаз.
- Тынгылагъан тынгы бузар.
- Орундукъ тюбюнде атылсам да, орта джиликме, де да айлан.
- Алтыннга тот къонмаз.
- Таукелге нюр джауар.
- Сагъыш – къартлыкъгъа сюйюмчю.
- Кёбге таш атма.
- Джахил болса анасы, не билликди баласы?
- Сабыр джетер муратха, сабырсыз къалыр уятха.
- Мени джылытмагъан кюн, меннге тиймесин!
- Къозулугъунда тоймагъан, къойлугъунда тоймаз.
- Джогъун бар этген, барын бал этген.
- Ойнай билмеген, оюн бузар.
- Эл бла кёргенинг эрелей.
- Джарлы тюеге минсе да, ит къабар.
- Ач отунчуну ачыуу – бурнунда.
- Къарт бла баш аша, джаш бла аякъ аша.
- Эм ашхы къайын ана мамукъ бла башынгы тешер.
- Къатын къылыкъсыз, эр тынчлыкъсыз.
- Байны къызы баймакъ болса да, юйде къалмаз!
- Гитче джилтин уллу элни джандырыр.
- Окъуу – билимни ачхычы, окъуу – дунияны бачхычы.
- Чабакъгъа акъыл, табагъа тюшсе келеди.
- Тилчиден кери бол.
- Хантына кёре тузу, юйюне кёре къызы.
- Кёб джашагъан – кёб билир.
- Къыйынлы джети элге оноу этер.
- Сагъышы джокъ – джукъучу, акъылы джокъ – къаугъачы.
- Ана кёлю – балада, бала кёлю – талада.
- Акъыллы башны – тили къысха.
- Этек чакъмакълары баш джаргъан, сёлешген сёзлери таш джаргъан.
- Тойчу джашха къарама, къойчу джашха къара.
- Юреннген ауруу къалмаз.
- Нафысынгы айтханын этме, намысынгы айтханын эт.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72