- Хата – гитчеден.
- Сёлеш деб шай берген, тохта деб, сом берген.
- Джиби бир къат джетмей эди да, эки къат тарта эди.
- Эринчекге кюн узун.
- Ашхылыкъ джерде джатмайды, аманлыкъ суугъа батмайды.
- Ач да бол, токъ да бол – намысынга бек бол.
- Мал ёлсе, сюек къалыр, адам ёлсе, иши къалыр.
- Ач отунчуну ачыуу – бурнунда.
- Тилчи бир сагъатха айлыкъ хата этер.
- Таула не мийик болсала да, аууш табылыр.
- Юй кюйдю да, кюйюз чыкъды, ортасындан тюйюш чыкъды.
- Билген билмегенни юретген адетди.
- Арбаз сайлама да, хоншу сайла.
- Тойгъанлыкъ къойгъа джарашады.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Татлы сёз – балдан татлы.
- Сютден ауузу кюйген, суугъа юфгюре эди.
- Башы джабылгъан челекге, кир тюшмез.
- Кёз – сюйген джерде, къол – ауругъан джерде.
- Телини эшигин, махтау джабар.
- Агъач халкъгъа алтынды, иссиликге салкъынды.
- Кёб ант этген, кёб ётюрюк айтыр.
- Кюлме джашха – келир башха.
- Иги сеники эсе да, сюйген кесимикин этеме.
- Этни бети бла шорпасы.
- Аш берме да, къаш бер.
- Тай асырагъан, атха минер.
- Кёзню ачылгъаны – иги, ауузну джабылгъаны – иги.
- Джарлы эскисин джамаса, къууаныр.
- Эли джокъну – кёлю джокъ.
- Чакъырылмагъан къонакъ тёрге атламаз.
- Игиге айтсанг – билир, аманнга айтсанг – кюлюр.
- Аджаллыгъа окъсуз шкок атылыр.
- Къанны къан бла джуума, аманны аман бла къуума.
- Уллу къазанда бишген эт, чий къалмаз.
- Кесине гебен этелмеген, биреуге черен эте эди.
- Эм уллу байлыкъ – джан саулукъ.
- Ариуну – ауруу кёб.
- Намыс болмагъан джерде, насыб болмаз.
- Тёрдеги кюлсе, эшикдеги ышарыр.
- Элни кючю – эмеген.
- Джашда акъыл джокъ, къартда къарыу джокъ.
- Арыгъан къош чамчы болур.
- Таш ата билмеген, башына урур.
- Ишни аллы бла къууанма да, арты бла къууан.
- Къонагъы джокъну – шоху джокъ.
- Къыз тиширыу кеси юйюнде да къонакъды.
- Биреу къой излей, биреу той излей.
- Сангырау къулакъ эл бузар.
- Хоншуну тауугъу къаз кёрюнюр, келини къыз кёрюнюр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72