Эльбрусоид :: Форум

Хаухну атма, ёнгкючню сатма.
Сескекли кесин билдирир.
Тилде сюек болмаса да, сюек сындырыр.
Садакъачыны джаны – къапчыгъында.
Агъач халкъгъа алтынды, иссиликге салкъынды.
Ата джурт – алтын бешик.
Къызбайны юйюне дери сюрсенг, батыр болур.
Джылкъыдан – ат чыгъар, тукъумдан – джаш чыгъар.
Къартны сыйын кёрмеген, къартлыгъында сыйлы болмаз.
Арпа, будай – ащды, алтын, кюмюш а – ташды.
Аман къатын алгъан, арыр, иги къатын алгъан джарыр.
Эл элде бирер малынг болгъандан эсе, бирер тенгинг болсун.
Бастасын ашагъан, хантусун да ичер.
Ишленмеген джаш – джюгенсиз ат, ишленмеген къыз – тузсуз хант.
Экеулен сёлеше тура эселе, орталарына барыб кирме.
Эшекге миннген – биринчи айыб, андан джыгъылгъан – экинчи айыб.
Акъыл сабырлыкъ берир.
Адам сёзюнден белгили.
Эки ойлашыб, бир сёлешген.
Кёбге таш атма.
Аман къатын сабий табса, бий болур…
Джарлыны тону джаз битер.
Билим – акъылны чырагъы.
Нафысынгы айтханын этме, намысынгы айтханын эт.
Тилчиден кери бол.
Харам къарнашдан, халал тенг ашхы.
Джарлы тюеге минсе да, ит къабар.
Къарнынг бла ёч алма.
Ишин билген, аны сыйын чыгъарады.
Билмегенинги, билгеннге сор.
Кюн – узун, ёмюр – къысха.
Ашатыргъа иш – ашхы, ишлетирге аш – ашхы.
Кёзю сокъурдан – къоркъма, кёлю сокъурдан – къоркъ.
Атлыны ашхысы, ат тизгининден билинир
Джюрек кёзден алгъа кёрюр.
Нарт сёз къарт болмаз.
Аджашхан тёгерек айланыр.
Аууздан келген, къолдан келсе, ким да патчах болур эди.
Къарт болгъан джерде, берекет болур, сабий болгъан джерде, оюн болур.
Джахил болса анасы, не билликди баласы?
Ашда – бёрю, ишде – ёлю.
Хар адамгъа кеси миннген тау кибик.
Игиге айтсанг – билир, аманнга айтсанг – кюлюр.
Юйлю уругъа ит чабмаз.
Гыдай эчки суугъа къараб, мюйюзле кёрмесе, джашма алкъын, дегенди.
Бек ашыкъгъан меннге джетсин, дегенди аракъы.
Къолунгдан къуймакъ ашатсанг да, атаны борчундан къутулмазса.
Ашаса, ашамаса да, бёрюню ауузу – къан.
Акъдан къара болмаз.
Къайгъы тюбю – тенгиз.

Логин:
Пароль:
	Запомнить меня на этом компьютере

Забыли свой пароль?
Регистрация