- Кёб ант этген, кёб ётюрюк айтыр.
- Кёбню кёрген – кёб билир.
- Аууздан келген, къолдан келсе, ким да патчах болур эди.
- Танг атмайма десе да, кюн къоярыкъ тюйюлдю.
- Бек анасы джыламаз.
- Къанны къан бла джуума, аманны аман бла къуума.
- Аман къатын сабий табса, бий болур…
- Къартны сыйын кёрмеген, къартлыгъында сыйлы болмаз.
- Эки къатын алгъанны къулагъы тынгнгаймаз.
- Мен да «сен», дейме, сен да «кесим», дейсе.
- Къатыны харакетли болса, эри къымсыз болур.
- Аякъларынгы джууургъанынга кёре узат.
- Тойгъа алгъа да барма, тойда артха да къалма.
- Кютгени беш эчки, сызгъыргъаны уа, джерни джарады.
- Чомарт къолда мал къалмаз.
- Джыланны къуйругъундан басарынг келсе, аны башы болгъанын унутма.
- Рысхы – сют юсюнде кёмюк кибикди.
- Кёб джашагъан – кёб билир.
- Накъырда – кертини келечиси.
- Къалгъан ишге къар джауар.
- Иги адам абынса да, джангылмаз.
- Джигер – джаннга къыйынлыкъ.
- Къарнынг тойгъунчу аша да, белинг талгъынчы ишле.
- Арбаз сайлама да, хоншу сайла.
- Къая джолда джортма, ачыкъ сёзден къоркъма.
- Айраннга суу къош, телиге джол бош.
- Суу ичген шауданынга тюкюрме.
- Уруну арты – къуру.
- Башсыз урчукъ тюзюне айланмаз.
- Ачылгъан эт джабылыр, кёрген кёз унутмаз.
- Зар адам ашынгы ашар, кесинги сатар.
- Элни кючю – эмеген.
- Аманны тукъумуна къарама, игини тукъумун сорма.
- Урунуу – насыбны анасы.
- Къуллукъчума, деб махтанма, къуллукъ – хаух джамчыды!
- Биреуге аманлыкъ этиб, кесинге игилик табмазса.
- Ауурну тюбю бла, дженгилни башы бла джюрюген.
- Башынга джетмегенни сорма.
- Тенгинг джокъ эсе – изле, бар эсе – сакъла!
- Ёлген эшек бёрюден къоркъмайды.
- Абынмазлыкъ аякъ джокъ, джангылмазлыкъ джаякъ джокъ.
- Ана кёлю – балада, бала кёлю – талада.
- Мухардан ач ычхынмаз.
- Джашны джигитлиги сорулур, къызны джигерлиги сорулур.
- Кёз – сюйген джерде, къол – ауругъан джерде.
- Рысхысына кёре, джаш ёсер, къышлыгъына кёре, мал ёсер.
- Ашда уялгъан – мухар, ишде уялгъан – хомух.
- Акъыллы айтыр эди, акъылсыз къоймайды.
- Сабыр джетер муратха, сабырсыз къалыр уятха.
- Этек чакъмакълары баш джаргъан, сёлешген сёзлери таш джаргъан.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72