- Къумурсхала джыйылсала, пилни да джыгъадыла.
- Чомартха хар кюн да байрамды.
- Тёгюлген тюгел джыйылмайды.
- Тюкюрюк баш джармаз, налат кёз чыгъармаз!
- Аякъларынгы джууургъанынга кёре узат.
- Айран ичген – къутулду, джугъусун джалагъан – тутулду.
- Къралынгы – душмандан, башынгы от бла суудан сакъла.
- Болджал ишни бёрю ашар.
- Эки элинги тыйсанг, джети элде махталырса.
- Азыгъы аз, алгъа къабар, аты аман, алгъа чабар.
- Оюмсуз атлагъан, аджалсыз ёлюр.
- Бетинги сатма, малынгы сат.
- Бёрю да ач къалмасын, эчки да ашалмасын.
- Къар – келтирди, суу – элтди.
- Байма, деб да, къууанма, джарлыма, деб да, джылама.
- Къарт болгъан джерде, берекет болур, сабий болгъан джерде, оюн болур.
- Эллинг бла джау болсанг да, юйюнг бла джау болма.
- Тамбла алтындан бюгюн багъыр ашхы.
- Атлыны кёрсе, джаяуну буту талыр.
- Джаным-тиним – окъуу, билим.
- Айтханы чапыракъдан ётмеген.
- Аман киши кеси юйюнде – къонакъ.
- Акъыллы айтыр эди, акъылсыз къоймайды.
- Ана кёлю – балада, бала кёлю – талада.
- Аууз сакълагъан – джан сакълар.
- Ёлген эшек бёрюден къоркъмайды.
- Миллетни бойну – базыкъ, аны бла кюрешген – джазыкъ.
- Танг атмайма десе да, кюн къоярыкъ тюйюлдю.
- Айранын берсенг, челегин да къызгъанма.
- Къонагъы джокъну – шоху джокъ.
- Къонакъ кёб келюучю юйню, къазаны отдан тюшмез.
- Хар ишни да аллы къыйынды.
- Телиге акъыл салгъандан эсе, ёлгеннге джан салырса.
- Къууут – джелге, берне – бошха.
- Айыбны суу бла джууалмазса.
- Джетген къыз джерли эшекни танымаз.
- Рысхы – насыбха къор.
- Ёмюрлюк шохлукъну джел элтмез.
- Ашхылыкъ джерде джатмайды, аманлыкъ суугъа батмайды.
- Кюлме джашха – келир башха.
- Башы ишлегенни, ауузу да ишлер.
- Адеби болмагъан къыз – тузсуз хант.
- Адеб этмеген, адеб кёрмез.
- Кийимни бир кюнню аясанг, минг кюннге джарар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ана къолу ачытмаз.
- Атлыны ашхысы, ат тизгининден билинир
- Мадар болса, къадар болур.
- Алма терегинден кери кетмез.
- Тюз сёз баргъан сууну тыяр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72