Эльбрусоид :: Форум

Джарлыны эшигин махтагъан джабар.
Юйлю уругъа ит чабмаз.
Кёбге таш атма.
Эртде тургъан джылкъычыны эркек аты тай табар.
Ушамагъан – джукъмаз.
Кюл тюбюндеги от кёрюнмейди.
Джырчы джырчыгъа – къарнаш.
Ариу джол аджал келтирмез.
Орну джокъну – сыйы джокъ.
Байдан умут эте, джарлыдан ёгюз багъасы къорады.
Адамгъа аман кюн соруб келмейди.
Гитче джилтин уллу элни джандырыр.
Окъугъанны бети джарыкъ.
Кютгени беш эчки, сызгъыргъаны уа, джерни джарады.
Тилсиз миллет джокъ болур.
Кёб къычыргъандан – къоркъма, тынч олтургъандан – къоркъ.
Къайгъы тюбю – тенгиз.
Таула не мийик болсала да, аууш табылыр.
Ачыкъ джюрекге джол – ачыкъ.
Айран ичген – къутулду, джугъусун джалагъан – тутулду.
Эринчекни эр алмаз, эр алса да, кёл салмаз, кёл салса да, кёб бармаз!
Джырына кёре эжиую.
Байны къызы баймакъ болса да, юйде къалмаз!
Джаш къарыу бла кючлю, къарт акъыл бла кючлю.
Кирсизни – саны таза, халалны – къаны таза.
Терслик кетер, тюзлюк джетер.
Аш берме да, къаш бер.
Кеси юйюмде мен да ханма.
Кёкдеги болмаса, джердегин кёрмейди.
Ишни аллы бла къууанма да, арты бла къууан.
Ишлегенден, къарагъан уста.
Тенгинг джокъ эсе – изле, бар эсе – сакъла!
Бетинги сатма, малынгы сат.
Къазанны башы ачыкъ болса, итге уят керекди.
Джерни букъусу кёкге къонмаз.
Уллу айтханны этмеген – уллаймаз.
Тау башында, тау болмаз, джангыз терек, бау болмаз.
Билим ат болуб да чабар, къуш болуб да учар.
Аууз сакълагъан – джан сакълар.
Этим кетсе да, сюегим къалыр.
Ашына кёре табагъы, балына кёре къалагъы.
Джарлы тюеге минсе да, ит къабар.
Джарашыу сюйген – джалынчакъ.
Аманнга игилик этсенг, юйюнге сау бармазса.
Ауругъаннга – кийик саулукъ, джетген къызгъа – чилле джаулукъ.
Тойгъа алгъа да барма, тойда артха да къалма.
Чакъырылмагъан джерге барма, чакъырылгъан джерден къалма.
Келлик заман – къартлыкъ келтирир, кетген заман – джашлыкъ ёлтюрюр.
Тойчу джашха къарама, къойчу джашха къара.
Аджалсыз ёлюм болмаз.

Логин:
Пароль:
	Запомнить меня на этом компьютере

Забыли свой пароль?
Регистрация