- Сормай – алма, чакъырылмай – барма.
- Джетген къыз джерли эшекни танымаз.
- Бал чибинни ургъаны – ачы, балы – татлы.
- Ашхылыкъ джерде джатмайды, аманлыкъ суугъа батмайды.
- Къарт айтханны этмеген, къартаймаз.
- Айранны сюйген, ийнек тутар.
- Харам къарнашдан, халал тенг ашхы.
- Намыс сатылыб алынмайды.
- Сёз къанатсыз учар.
- Джыгъылгъанны сырты джерден тоймаз.
- Орну джокъну – сыйы джокъ.
- Эри аманны, къатыны – аман.
- Биреуню къыйынлыгъы бла кесинге джол ишлеме.
- Эртде тургъан джылкъычыны эркек аты тай табар.
- Босагъа таш юйге кирмей эди, тыбыр таш эшикге чыкъмай эди.
- Адамны сабийин сюйген джюреги, бычакъча, джитиди.
- Къошда джокъгъа – юлюш джокъ.
- Адам сёзге тынгыла, акъыл сёзню ангыла.
- Шайтан алдады, тюзлюк къаргъады.
- Эллинг бла джау болсанг да, юйюнг бла джау болма.
- Джырчы джырчыгъа – къарнаш.
- Аман адамны тепсинге олтуртсанг, къызынгы тилер.
- Кёкдеги болмаса, джердегин кёрмейди.
- Тойгъандан сора, ашны сёкме.
- От кюйдюрген, сау болса да, тот кюйдюрген, сау болмаз.
- Ишлемеген – тишлемез.
- Къарт болгъан джерде, берекет болур, сабий болгъан джерде, оюн болур.
- Тил – миллетни джаны.
- Аманны тукъумуна къарама, игини тукъумун сорма.
- Садакъачыны джаны – къапчыгъында.
- Аякъларынгы джууургъанынга кёре узат.
- Уллу айтханны этмеген – уллаймаз.
- Къанны къан бла джуума, аманны аман бла къуума.
- Билим – акъылны чырагъы.
- Къууут – джелге, берне – бошха.
- Ушамагъан – джукъмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Билген билмегенни юретген адетди.
- Адебни адебсизден юрен.
- Чакъырылмагъан къонакъ къачан кетерин сормаз.
- Телиге акъыл салгъандан эсе, ёлгеннге джан салырса.
- Тёрени джагъы джокъ.
- Телини эшигин, махтау джабар.
- Адам боллукъ, атламындан белгили болур.
- Кеси юйюмде мен да ханма.
- Аш берме да, къаш бер.
- Этек чакъмакълары баш джаргъан, сёлешген сёзлери таш джаргъан.
- Алим болгъандан эсе, адам болгъан къыйынды.
- Сакъламагъан затынга джолукъсанг, не бек къууанаса, не бек ачыйса.
- Къатын байлыкъны сюер, эр саулукъну сюер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72