- Кёб къычыргъандан – къоркъма, тынч олтургъандан – къоркъ.
- Къоркъакъны кёзю экили кёрюр.
- Эли джокъну – кёлю джокъ.
- Ишленмеген джаш – джюгенсиз ат, ишленмеген къыз – тузсуз хант.
- Джюрек кёзден алгъа кёрюр.
- Чомартха Тейри да борчлуду.
- Джаз бир кюнню джатсанг, къыш талай кюнню абынырса.
- Ана къолу ачытмаз.
- Келинин тута билмеген, къул этер, къызын тута билмеген, тул этер.
- Къууут – джелге, берне – бошха.
- Рысхы – сют юсюнде кёмюк кибикди.
- Бичгенде ашыкъма, тикгенде ашыкъ.
- Ата джурт – алтын бешик.
- Джашлыкъ этмеген, башлыкъ этмез.
- Ёнгкюч къууана барыр, джылай келир.
- Ёлген эшек бёрюден къоркъмайды.
- Суугъа – чабакъ, къаягъа – ыргъакъ.
- Ариу сёз – къылычдан джити.
- Ойнай билмеген, оюн бузар.
- Ашлыкъны арба юйге келтирир, чана базаргъа элтир.
- Ичимден чыкъды хата, къайры барайым сата?
- Ёгюзню мюйюзлери ауурлукъ этмейдиле.
- Ат басханны джер билед.
- Адеб джокъда, намыс джокъ.
- Джаным-тиним – окъуу, билим.
- Билмегенинги, билгеннге сор.
- Татлы тилде – сёз ариу, чемер къолда – иш ариу.
- Ханы къызы буюгъа-буюгъа киштик болду.
- Чоюнну башы ачыкъ болса, итге уят керекди.
- Баланы адам этген анады.
- Ашхы адам – халкъ байлыгъы, ашхы джер – джашау байлыгъы.
- Тойгъанлыкъ къойгъа джарашады.
- Экиндини кеч къылсанг, чабыб джетер ашхам.
- Этни да ашады, бетни да ашады.
- Сабий кёргенин унутмаз.
- Ашда – бёрю, ишде – ёлю.
- Тойгъан джерге джети къайт.
- Джюз элде джюз ёгюзюм болгъандан эсе, джюз джууугъум болсун.
- Ишлерге уял да, ашаргъа табма.
- Байлыкъ келсе, акъыл кетер.
- Ач уят къоймаз.
- Джашда акъыл джокъ, къартда къарыу джокъ.
- Накъырда – кертини келечиси.
- Билгенни къолу къарны джандырыр.
- Акъылсызны джууукъгъа алма, акъыллыны кенгнге салма.
- Уллу къашыкъ эрин джыртар.
- Хаухну атма, ёнгкючню сатма.
- Билимден уллу байлыкъ джокъду.
- Адебни адебсизден юрен.
- Кюл тюбюндеги от кёрюнмейди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72