- Адамны сабийин сюйген джюреги, бычакъча, джитиди.
- Хоншуну тауугъу къаз кёрюнюр, келини къыз кёрюнюр.
- Ачлыкъда тары гырджын халыуадан татлы.
- Суу ичген шауданынга тюкюрме.
- Игини сыйлагъан адетди.
- Тенгни тенглиги джашай барсанг билинир.
- Акъыл къартда, джашда тюйюлдю – башдады.
- Кесине оноу эте билмеген, халкъына да эте билмез.
- Ашхы адам – халкъ байлыгъы, ашхы джер – джашау байлыгъы.
- Адеб джокъда, намыс джокъ.
- Джашны джигитлиги сорулур, къызны джигерлиги сорулур.
- Айтылгъан сёз ызына къайтмаз.
- Эркишини аманы тиширыуну джылатыр.
- Эм уллу байлыкъ – джан саулукъ.
- Къыз тиширыу кеси юйюнде да къонакъды.
- Дженгил джетерикме деб, узун джолну къоюб, къысхасын барма.
- Ишге юренсин къоллары, халкъ бла болсун джоллары.
- Аякъларынгы джууургъанынга кёре узат.
- Аз айтсам, кёб ангылагъыз.
- Эл элде бирер малынг болгъандан эсе, бирер тенгинг болсун.
- Ата Джуртча джер болмаз, туугъан элча эл болмаз.
- Иги адам абынса да, джангылмаз.
- Таш бла ургъанны, аш бла ур.
- Гырджын – тепсини тамадасы.
- Сабий болмагъан джерде, мёлек болмаз.
- Тюз сёз баргъан сууну тыяр.
- Сакъалы текени да бар, мыйыгъы киштикни да бар.
- Иги сеники эсе да, сюйген кесимикин этеме.
- Халкъгъа джарагъан, джарлы къалмаз.
- Биреуню къыйынлыгъы бла кесинге джол ишлеме.
- Кесине гебен этелмеген, биреуге черен эте эди.
- Ариу сёз – къылычдан джити.
- Рысхысына кёре, джаш ёсер, къышлыгъына кёре, мал ёсер.
- Аллахдан тилесенг, кёб тиле.
- Окъуусуз билим – джокъ, билимсиз кюнюнг – джокъ.
- Къыз чыгъаргъан – къызыл къымжа.
- Аджалсыз ёлюм болмаз.
- Къулакъдан эсе, кёзге ышан.
- Сабий кёргенин унутмаз.
- Ашхы тенг джолгъа салыр, аман тенг джолдан тайдырыр.
- Босагъагъа джууукъ орун болса, ашыгъыб тёрге озма.
- Чомарт бергенин айтмаз.
- Бичгенде ашыкъма, тикгенде ашыкъ.
- Эринчекни аурууу – кёб.
- Мураты болгъанны джюрек тебюую башхады.
- Минг тенг да азды, бир джау да кёбдю.
- Акъыллы башны – тили къысха.
- Кенгеш болса, уруш болмаз.
- Кесинге джетмегенни, кёб сёлешме.
- Байлыкъ адамны сокъур этер.
Ана тилибизде селешейик!!!
Аллай хатачыкъларымы кече турлукъсуз деб ышанама сизгеОтветы
|
Ой, тохтагъыз терс джаздым, блайда къуру ана тилде селеширге керекди......
|
|
|
|
|
|
Арканджело
bruneyskiy@mail.ru сакълаб турлукъма... Саубол... Рашми Айтханынг тюздю... алай а хар кимда джазылгъаныча айтыргъа юренсе анданда тюз боллукъ эди... ))_ |
|
|
|
|
|
Къарча, хар ким айтханча джазылгъаны тюз тюлмюдю, джазылгъаннга кёре сёлешгенден эсе?)
Рашми, а пишется "сибирИтки".)) |
|
|
|
|
|
Сора, сыбыртхы (кочки болур) деб, бир сёз барды, сибиртки деб, джазгъанла, сыбыртхы бла къатышдыргъан болурламы?
|
|
|
|
|
|
Джашла, сибиртки деб джазылады. Эки сёзлюкге къарадым, экисинде да бирчады
 |
|
|
|
|
|
Хауа сюрюучю
Эм арты мен айтханча болубму чыкъды... огъесе кёлюмю иги этеми тураса? |
|
|
|
|
|
Салам.
Хауа сюрюучю Тилегенинги эталмадым. Бирча бергенбиз)))) |
|
|
|
|
|
Рашми
Уа алейкум ассалам... ))) |
|
|
|
|
|
Qarcha
Сау бол. Къалайса? |
|
|
|
|
|
Рашми
Аллахны игилиги бла, аламатма... Кесинг къалайса? Юйдегиле тынчмыдыла? |
|
|
|
|
|
Алтылагъа бергенбиз))) Шана болурса энди)))
Шаннган а уа этеме, дагъыда экигизникинда бирге къошсагъыз алты бола болурму дегенча кёлюме келгенди да  |
|
|
|
|
|
Хауа сюрюучю
 Да мен алтылагъа дедим да)))) Бюгюн къылыкъ этмей турдунгму?  |
|
|
|
|
|
Рашми
Да дагъыда ишексиз болайым деб сордум И кесингда мени къылыкъ этиб къайда кёргенсе? |
|
|
|
|
|
Хауа сюрюучю
И кесингда мени къылыкъ этиб къайда кёргенсе? Алкъын кёрмегенме. Дагъыда кетерими аллы бла сорайым деб. |
|
|
|
|
|
Рашми
Да сора кёрлюк да тюлсе Сени кетеринги сакълаб турама къылыкъ этерге |
|
|
|
|
|
Хауа сюрюучю
Келсем сорлукъма не ишлеб тургъанынгы мен болмагъан заманда, билмей къаллыкъ тюлме))) |
|
|
|
|
|
Рашми
Да соргъана уа этерсе, мен айтханыма ийнаныб къаллыкъмыса ансын |
|
|
|
|
|
Хауа сюрюучю
Кюреширме ийнаныргъа))))  Сау къал. Сау танга чыкъ. |
|
|
|
|
|
Рашми
Да алай эсе мен бир иги таурух хазырларма Иги джолгъа бар, къуаныб къайт |
|
|
|
|
|
Рашми
иги джолгъа бар тамла |
|
|
|
|
|
Albert
Сау бол)))) |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
||||
|
|
|
|||
Читают тему (гостей: 1)