- Илму – джашауну джолу.
- Бюгюн дуния кибик, тамбла ахыратды.
- Ана – юйню кюн джарыгъы.
- Акъдан къара болмаз.
- Кёз – сюйген джерде, къол – ауругъан джерде.
- Аз айтсам, кёб ангылагъыз.
- Бетинги сатма, малынгы сат.
- Къуру гыбыт бек дыгъырдар.
- Эки итни арасына сюек атма, эки адамны арасында сёз чыгъарма.
- Джылыгъа джылан илешир.
- Къарыусузгъа кюлме, онгсузгъа тийме.
- Эллинг бла джау болсанг да, юйюнг бла джау болма.
- Адамны аты башхача, акъылы да башхады.
- Аууздан келген, къолдан келсе, ким да патчах болур эди.
- Тенгинг джокъ эсе – изле, бар эсе – сакъла!
- Сибиртки да сыйлы болду, кюрек да кюнлю болду.
- Мен да «сен», дейме, сен да «кесим», дейсе.
- Юре билмеген ит, къонакъ келтирир.
- Байлыкъ келсе, акъыл кетер.
- Чомарт бергенин айтмаз.
- Суугъа – таянма, джаугъа – ийнанма.
- Джогъун бар этген, барын бал этген.
- Сескекли кесин билдирир.
- Къартха ушагъан джаш – акъыллы, джашха ушагъан къарт – тели.
- Сабыр джетер муратха, сабырсыз къалыр уятха.
- Къыз чыгъаргъан – къызыл къымжа.
- Урама да – ёледи, сатама да – келеди.
- Телиге от эт десенг, юйюнге от салыр.
- Адамны артындан къара сабан сюрме.
- Адам боллукъ, атламындан белгили болур.
- Джашда акъыл джокъ, къартда къарыу джокъ.
- Кюл тюбюндеги от кёрюнмейди.
- Аджашханны ызындагъы кёреди, джангылгъанны джанындагъы биледи.
- Сакъламагъан затынга джолукъсанг, не бек къууанаса, не бек ачыйса.
- Джылкъыдан – ат чыгъар, тукъумдан – джаш чыгъар.
- Джюрекге ариу – кёзге да ариу.
- Аууз сакълагъан – джан сакълар.
- Игиге айтсанг – билир, аманнга айтсанг – кюлюр.
- Окъумагъан сокъурду, сокъур ташха абыныр!
- Ариу сёз аурууунгу алыр.
- Къалгъан ишге къар джауар.
- Арпа, будай – ащды, алтын, кюмюш а – ташды.
- Окъуу – билимни ачхычы, окъуу – дунияны бачхычы.
- Кёбню кёрген – кёб билир.
- Къонакъ аман болса, къонакъбай джунчур
- Сабийликде юретмесенг, уллу болса – тюзелмез.
- Таукел тауну аудурур.
- Айран ичген – къутулду, джугъусун джалагъан – тутулду.
- Малны кют, джерни тюрт.
- Къонагъы джокъну – шоху джокъ.
Ана тилибизде селешейик!!!
Ответы
30.01.2007 03:00:39
Ой, тохтагъыз терс джаздым, блайда къуру ана тилде селеширге керекди......
|
|
|
|
30.01.2007 06:03:44
Арканджело
bruneyskiy@mail.ru сакълаб турлукъма... Саубол... Рашми Айтханынг тюздю... алай а хар кимда джазылгъаныча айтыргъа юренсе анданда тюз боллукъ эди... ))_ |
|
|
|
30.01.2007 12:14:40
Къарча, хар ким айтханча джазылгъаны тюз тюлмюдю, джазылгъаннга кёре сёлешгенден эсе?)
Рашми, а пишется "сибирИтки".)) |
|
|
|
30.01.2007 12:16:36
Сора, сыбыртхы (кочки болур) деб, бир сёз барды, сибиртки деб, джазгъанла, сыбыртхы бла къатышдыргъан болурламы?
|
|
|
|
31.01.2007 00:18:07
Джашла, сибиртки деб джазылады. Эки сёзлюкге къарадым, экисинде да бирчады
|
|
|
|
31.01.2007 00:21:20
Хауа сюрюучю
Эм арты мен айтханча болубму чыкъды... огъесе кёлюмю иги этеми тураса? |
|
|
|
31.01.2007 00:25:51
Салам.
Хауа сюрюучю Тилегенинги эталмадым. Бирча бергенбиз)))) |
|
|
|
31.01.2007 00:30:28
Рашми
Уа алейкум ассалам... ))) |
|
|
|
31.01.2007 00:31:32
Qarcha
Сау бол. Къалайса? |
|
|
|
31.01.2007 00:34:19
Рашми
Аллахны игилиги бла, аламатма... Кесинг къалайса? Юйдегиле тынчмыдыла? |
|
|
|
31.01.2007 00:52:21
Алтылагъа бергенбиз))) Шана болурса энди)))
Шаннган а уа этеме, дагъыда экигизникинда бирге къошсагъыз алты бола болурму дегенча кёлюме келгенди да |
|
|
|
31.01.2007 00:57:33
Хауа сюрюучю
Да мен алтылагъа дедим да)))) Бюгюн къылыкъ этмей турдунгму? |
|
|
|
31.01.2007 00:59:43
Рашми
Да дагъыда ишексиз болайым деб сордум И кесингда мени къылыкъ этиб къайда кёргенсе? |
|
|
|
31.01.2007 01:09:46
Хауа сюрюучю
И кесингда мени къылыкъ этиб къайда кёргенсе? Алкъын кёрмегенме. Дагъыда кетерими аллы бла сорайым деб. |
|
|
|
31.01.2007 01:18:23
Рашми
Да сора кёрлюк да тюлсеСени кетеринги сакълаб турама къылыкъ этерге |
|
|
|
31.01.2007 01:22:57
Хауа сюрюучю
Келсем сорлукъма не ишлеб тургъанынгы мен болмагъан заманда, билмей къаллыкъ тюлме))) |
|
|
|
31.01.2007 02:19:33
Рашми
Да соргъана уа этерсе, мен айтханыма ийнаныб къаллыкъмыса ансын |
|
|
|
31.01.2007 02:29:46
Хауа сюрюучю
Кюреширме ийнаныргъа)))) Сау къал. Сау танга чыкъ. |
|
|
|
31.01.2007 02:32:34
Рашми
Да алай эсе мен бир иги таурух хазырларма Иги джолгъа бар, къуаныб къайт |
|
|
|
31.01.2007 03:20:36
Рашми
иги джолгъа бар тамла |
|
|
|
31.01.2007 03:23:58
Albert
Сау бол)))) |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
||||
|
|
|||
Читают тему (гостей: 1)