- Джан саулукъ бермей, сан саулукъ бермезсе.
- Ата – билек, ана – джюрек!
- Ишленмеген джаш – джюгенсиз ат, ишленмеген къыз – тузсуз хант.
- Ашатыргъа иш – ашхы, ишлетирге аш – ашхы.
- Билим къая тешер.
- Игиге айтсанг – билир, аманнга айтсанг – кюлюр.
- Сагъышы джокъ – джукъучу, акъылы джокъ – къаугъачы.
- Къанны къан бла джуума, аманны аман бла къуума.
- Джеринден айырылгъан – джети джылар, джуртундан айырылгъан – ёлгюнчю джылар.
- Хантына кёре тузу, юйюне кёре къызы.
- Уясында не кёрсе, учханында аны этер.
- Хатерли къул болур.
- Аллахха ийнаннган кишини, Аллах онгдурур ишин.
- Айтханы чапыракъдан ётмеген.
- Джаралыны джастыгъында сау ёлюр.
- Билген билмегенни юретген адетди.
- Акъдан къара болмаз.
- Тас болгъан бычакъны сабы – алтын.
- Ауругъанны сау билмез, ач къарынны токъ билмез.
- Ариу джол аджал келтирмез.
- Къарт бла баш аша, джаш бла аякъ аша.
- Кечеси – аяз, кюню – къыш, джарлы къаргъагъа бир аш тюш!
- Адам боллукъ, атламындан белгили болур.
- Насыб бютеу халкъны юлюшюдю.
- Чомарт къонакъ юй иесин сыйлар.
- Зар адам ашынгы ашар, кесинги сатар.
- Кимни – тили, тиши онглу, кимни – къолу, иши онглу.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къонакъ кёб келюучю юйню, къазаны отдан тюшмез.
- Атадан ёксюз – бир ёксюз, анадан ёксюз – эки ёксюз.
- Эркишини аманы тиширыуну джылатыр.
- Айтхан – тынч, этген – къыйын.
- Ашын ашагъанынгы, башын да сыйла.
- Аман адам элни бир-бирине джау этер.
- Окъдан джара эртде-кеч болса да бителир, сёз джара, ёмюрге къалыр.
- Бастасын ашагъан, хантусун да ичер.
- Къызбайны юйюне дери сюрсенг, батыр болур.
- Кесине гебен этелмеген, биреуге черен эте эди.
- Ёлген эшек бёрюден къоркъмайды.
- Туз, гырджын аша, тюзлюк бла джаша.
- Нарт сёз – тилни бети.
- Адам туугъан джеринде, ит тойгъан джеринде.
- Тюзлюк тас болмайды.
- Намыс болмагъан джерде, насыб болмаз.
- Мухардан ач ычхынмаз.
- Келинни – келгинчи, бёркню кийгинчи кёр.
- Къалгъан ишге къар джауар.
- Кёбге таш атма.
- Кийимни бир кюнню аясанг, минг кюннге джарар.
- Джарлы тюеге минсе да, ит къабар.
Фэнтези с эмегенами и джелмаузом, Наткнулась на Литресе на одну книжку и подумала: автор не кто-то из наших?
) По описанию похожи на просто дикарей, и язык почему-то шипящий.
Читают тему (гостей: 1)