- Иги бла джюрюсенг, джетерсе муратынга, аман бла джюрюсенг, къалырса уятха.
- Харам къарнашдан, халал тенг ашхы.
- Аман адам этегингден тутса, кес да къач.
- Биреуге аманлыкъ этиб, кесинге игилик табмазса.
- Аякъларынгы джууургъанынга кёре узат.
- Халкъны юйю – туугъан джери.
- Къарт болгъан джерде, берекет болур, сабий болгъан джерде, оюн болур.
- Кютгени беш эчки, сызгъыргъаны уа, джерни джарады.
- Къызгъанчдан ычхыныр, мухардан ычхынмаз.
- Кёрмегеннге кебек – танг, битмегеннге сакъал – танг.
- Сибиртки да сыйлы болду, кюрек да кюнлю болду.
- Эл ауузу – элия.
- Джарашыу сюйген – джалынчакъ.
- Асхат ашлыкъ сата, юйдегиси ачдан къата.
- Билимли ёлмез, билимсиз кёрмез.
- «Ёгюз, джаргъа джууукъ барма, меннге джюк боллукъса», - дегенди эшек.
- Айырылгъанланы айю ашар, бёлюннгенлени бёрю ашар.
- Ата – баланы уясы.
- Сабийликде юретмесенг, уллу болса – тюзелмез.
- Айранны сюйген, ийнек тутар.
- Джети тилни билген джети кишиди.
- Эли джокъну – кёлю джокъ.
- Мал тутхан – май джалар.
- Кюн кёрмеген, кюн кёрсе, кюндюз чыракъ джандырыр.
- Адам боллукъ, атламындан белгили болур.
- Нафысынгы айтханын этме, намысынгы айтханын эт.
- Адебни адебсизден юрен.
- Къонакъны къачан кетерин сорма, къачан келлигин сор.
- Игиге айтсанг – билир, аманнга айтсанг – кюлюр.
- Къобан да къуру да къобханлай турмайды, адам да къуру да патчахлай турмайды.
- Ач къалгъандан, кеч къалгъан къолай.
- Ашлыкъ – бюртюкден, джюн – тюкден.
- Къатын байлыкъны сюер, эр саулукъну сюер.
- Аджаллыгъа окъсуз шкок атылыр.
- Ёмюрлюк шохлукъну джел элтмез.
- Эрине къаргъыш этген къатын, эрнин къабар.
- Болджал ишни бёрю ашар.
- Кёзюнде тереги болгъан, чёбю болгъаннга кюле эди.
- Тилчи тилден къаныкъмаз.
- Атынг аманнга чыкъгъандан эсе, джанынг тамагъынгдан чыкъсын.
- Аманны эки битли тону болур, бирин сеннге кийдирир, бирин кеси киер.
- Тау башында, тау болмаз, джангыз терек, бау болмаз.
- Къарнынг тойгъунчу аша да, белинг талгъынчы ишле.
- Джумушакъ терекни къурт ашар.
- Башланнган иш битер, къымылдагъан тиш тюшер.
- Ышармагъан – кюлмез, кюлмеген – къууанчны билмез.
- Уллу сёзде уят джокъ.
- Юй ишлеген балта эшикде къалыр.
- Келгинчи, къонакъ уялыр, келгенден сора, къонакъбай уялыр.
- Окъ къызбайны джокълайды.
Ифтар (разговение) 21 июня в 20.00 в Ставропольском филиале Фонда "Эльбрусоид"!, Поздравляем всех мусульман с началом Священного месяца Рамадан!
Читают тему (гостей: 1)