- Ачыкъ джюрекге джол – ачыкъ.
- Ашда уялгъан – мухар, ишде уялгъан – хомух.
- Аджашхан тёгерек айланыр.
- Акъыл неден да кючлюдю.
- Байны оноуу, джарлыгъа джарамаз.
- Юреннген ауруу къалмаз.
- Ашлыкъны арба юйге келтирир, чана базаргъа элтир.
- Байлыкъ адамны сокъур этер.
- Къарт айтханны этмеген, къартаймаз.
- Чыбыкълыкъда бюгюлмеген, къазыкълыкъда бюгюлмей эди.
- Тюзлюк тас болмайды.
- Онгсузну – джакъла, тенгликни – сакъла.
- Ариу сёзде ауруу джокъ.
- Болджал ишни бёрю ашар.
- Къарын къуру болса, джюрек уру болур.
- Къан бла кирген, джан бла чыгъар.
- Тёзген – тёш ашар!
- Нёгер болсанг, тенг бол, тенг болмасанг, кенг бол.
- Аууз сакълагъан – джан сакълар.
- Ышармагъан – кюлмез, кюлмеген – къууанчны билмез.
- Чабакъгъа акъыл, табагъа тюшсе келеди.
- Ач отунчуну ачыуу – бурнунда.
- Ашхылыкъ джерде джатмайды, аманлыкъ суугъа батмайды.
- Бир абыннган – минг сюрюнюр.
- Дуния мал дунияда къалады.
- Чомарт къолда мал къалмаз.
- Чомарт къонакъ юй иесин сыйлар.
- Билимден уллу байлыкъ джокъду.
- Бети бедерден, намыс сакълама.
- Алтыда кюлмеген, алтмышда кюлмез.
- Кийимни бичсенг, кенг бич, тар этген къыйын тюлдю.
- Билмегенинги, билгеннге сор.
- Дуния малгъа сатылма, кесингден телиге къатылма.
- Хансыз джомакъ болмаз.
- Уллу суу бла уллу ауруудан башынгы сакъла.
- Дуния аламаты сен эсенг да, игиме деб айтма.
- Келлик заман – къартлыкъ келтирир, кетген заман – джашлыкъ ёлтюрюр.
- Элде адам къалмаса, ит тахтагъа минер.
- Ойнай билмеген, уруб къачар.
- Тура эдим джата, къайдан чыкъды хата?
- Билим – акъылны чырагъы.
- Айырылгъанланы айю ашар, бёлюннгенлени бёрю ашар.
- Къартны бурнун сюрт да, оноугъа тут.
- Сагъыш – къартлыкъгъа сюйюмчю.
- Джюрекден джюрекге джол барды.
- Айранны сюйген, ийнек тутар.
- Зар адам ашынгы ашар, кесинги сатар.
- Эрине къаргъыш этген къатын, эрнин къабар.
- Телини эшигин, махтау джабар.
- Ата Джуртча джер болмаз, туугъан элча эл болмаз.