- Юйюнг бла джау болгъандан эсе, элинг бла джау бол.
- Булут кёкге джарашыу, уят бетге джарашыу.
- Хар адамгъа кеси миннген тау кибик.
- Джыгъылгъанны сырты джерден тоймаз.
- Эли джокъну – кёлю джокъ.
- Къарт болгъан джерде, берекет болур, сабий болгъан джерде, оюн болур.
- Кёз – сюйген джерде, къол – ауругъан джерде.
- Чыкълы кюнде чыкъмагъан, чыкъса къуру кирмеген.
- Ауузу аманнга «иги», деме.
- Тамбла алтындан бюгюн багъыр ашхы.
- Ашлыкъ – бюртюкден, джюн – тюкден.
- Къанны къан бла джуума, аманны аман бла къуума.
- Азыкъ аз болса, эртде орун сал.
- Келгинчи, къонакъ уялыр, келгенден сора, къонакъбай уялыр.
- Сууда джау джокъ, кёб сёзде магъана джокъ.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Эл бла кёргенинг эрелей.
- Уллу атлама – абынырса, уллу къабма – къарылырса.
- Ишлегенден, къарагъан уста.
- Адамны джюреги нени кёрюрге сюйсе, кёзю да аны кёрюрге ёч болады.
- Ач да бол, токъ да бол – намысынга бек бол.
- Джаш болсун, къыз болсун, акъылы, саны тюз болсун.
- Бёрю да ач къалмасын, эчки да ашалмасын.
- Рысхы – насыбха къор.
- Тыш элде солтан болгъандан эсе, кесинги элде олтан болгъан игиди!
- Джерни букъусу кёкге къонмаз.
- Къуру гыбыт бек дыгъырдар.
- Ышармагъан – кюлмез, кюлмеген – къууанчны билмез.
- Къазанда болса, чолпугъа чыгъар.
- Акъылсызны джууукъгъа алма, акъыллыны кенгнге салма.
- Къан бла кирген, джан бла чыгъар.
- Кесинге джетмегенни, кёб сёлешме.
- Ишлерге уял да, ашаргъа табма.
- Адам сёзюнден белгили.
- Джангыз терек къынгыр ёсер.
- Ёлген аслан – сау чычхан.
- Джаз бир кюнню джатсанг, къыш талай кюнню абынырса.
- Ёлюр джаннга, ёкюл джокъ.
- Келинин тута билмеген, къул этер, къызын тута билмеген, тул этер.
- Тили узунну, намысы – къысха.
- Окъугъан – асыу, окъумагъан – джарсыу.
- Бозанг болмагъан джерге, къалагъынгы сукъма.
- Байма, деб да, къууанма, джарлыма, деб да, джылама.
- Билмегенинги, билгеннге сор.
- Кёб джашагъан – кёб билир.
- Къонакъ болсанг, ийнакъ бол.
- Эте билген, этген этеди, эте билмеген, юретген этеди!
- Иги сёз – джаннга азыкъ, аман сёз башха – къазыкъ.
- Къызбайны юйюне дери сюрсенг, батыр болур.
- Джарлы тюеге минсе да, ит къабар.
