- Мадар болса, къадар болур.
- Элге къуллукъ этмеген, элге ие болмаз.
- Халкъны юйю – туугъан джери.
- Аманны эки битли тону болур, бирин сеннге кийдирир, бирин кеси киер.
- Чакъырылгъанны аты, чакъырылмагъанны багъасы болур.
- «Ма», - дегенни билмесенг, «бер», - дегенни билмезсе.
- Ариу сёз аурууунгу алыр.
- Ауузу аманнга «иги», деме.
- Чомартны къолун джокълукъ байлар.
- Ашын ашагъанынгы, башын да сыйла.
- Уллу атлама – абынырса, уллу къабма – къарылырса.
- Миллетни бойну – базыкъ, аны бла кюрешген – джазыкъ.
- Аджашханны ызындагъы кёреди, джангылгъанны джанындагъы биледи.
- Кёл ашады да, кеси ашады.
- Керти сёзге тёре джокъ.
- Болджал ишни бёрю ашар.
- Биреуню эскиси биреуге джангы болмайды.
- Окъумагъан сокъурду, сокъур ташха абыныр!
- Гитче джилтин уллу элни джандырыр.
- Накъырда – кертини келечиси.
- Бек анасы джыламаз.
- Тюкюрюк баш джармаз, налат кёз чыгъармаз!
- Ёзденликни джайгъан – джокълукъ.
- Джол бла сёзню къыйыры джокъ.
- Мал тутхан – май джалар.
- Элиб деген, элге болушур.
- Аманны тукъумуна къарама, игини тукъумун сорма.
- Къан бла кирген, джан бла чыгъар.
- Къобан да къуру да къобханлай турмайды, адам да къуру да патчахлай турмайды.
- Иги сеники эсе да, сюйген кесимикин этеме.
- Ишни ахырын ойламай, аллын башлама.
- Адам боллукъ, атламындан белгили болур.
- Чомарт къонакъ юй иесин сыйлар.
- Айырылгъанланы айю ашар, бёлюннгенлени бёрю ашар.
- Тиширыусуз юй – отсуз от джагъа.
- Алтыннга тот къонмаз.
- Келинни – келгинчи, бёркню кийгинчи кёр.
- Адам къыйынлыгъын кёлтюрюр, зауукълугъун кёлтюрмез.
- Ариу сёз джыланны орнундан чыгъарыр.
- Таш ата билмеген, башына урур.
- Тойгъан джерден туугъан джер игиди.
- Мухар, кеси тойса да, кёзю тоймаз.
- Джылыгъа джылан илешир.
- Сууда джау джокъ, кёб сёзде магъана джокъ.
- Джаралыны джастыгъында сау ёлюр.
- Ариу джол аджал келтирмез.
- Сабийликде юретмесенг, уллу болса – тюзелмез.
- Эртде тургъан джылкъычыны эркек аты тай табар.
- Джан саулукъ бермей, сан саулукъ бермезсе.
- Адебсиз адам – джюгенсиз ат.
Гогуев Ислам Мудалифович, погиб в Афганистане
Читают тему (гостей: 1)