- Таякъ этден ётер, тил сюекден ётер.
- Аманны эки битли тону болур, бирин сеннге кийдирир, бирин кеси киер.
- Къыз келсе, джумуш эте келеди, къатын келсе, ушакъ эте келеди.
- Итли къонакъ джарашмаз.
- Гугук кесини атын айтыб къычыргъанча, мен, мен деб нек тураса?
- Къуллукъчума, деб махтанма, къуллукъ – хаух джамчыды!
- Аш кетер да бет къалыр.
- Акъыл къартда, джашда тюйюлдю – башдады.
- Халкъны юйю – туугъан джери.
- Тин – байлыгъынг, терен саулугъунг.
- Тойчу джашха къарама, къойчу джашха къара.
- Чарсда алчыны эл кёреди.
- Къарнынг тойгъунчу аша да, белинг талгъынчы ишле.
- Этни да ашады, бетни да ашады.
- Тойгъа барсанг, тоюб бар, эски тонунгу къоюб бар.
- Туз, гырджын аша, тюзлюк бла джаша.
- Урама да – ёледи, сатама да – келеди.
- Аджалсыз ёлюм болмаз.
- Биреу ашаб къутулур, биреу джалаб тутулур.
- Ашда уялгъан – мухар, ишде уялгъан – хомух.
- Джолда аягъынга сакъ бол, ушакъда тилинге сакъ бол.
- Джылар джаш, атасыны сакъалы бла ойнар.
- Къууут – джелге, берне – бошха.
- Иесиз малны бёрю ашар.
- Къарны аманнга къазан такъдырма, къолу аманнга от джакъдырма.
- Тешигини къатында, чычхан да батыр болур.
- Билмейме деген – бир сёз
- Джиби бир къат джетмей эди да, эки къат тарта эди.
- Иги болса, тамадама – махтау, аман болса, меннге – айыб.
- Ариу джол аджал келтирмез.
- Айныгъанлы алты кюн, тогъайгъанлы тогъуз кюн.
- Ишни ахырын ойламай, аллын башлама.
- Юй кюйдю да, кюйюз чыкъды, ортасындан тюйюш чыкъды.
- Кесине оноу эте билмеген, халкъына да эте билмез.
- Aдам боллукъ, сыфатындан белгили.
- Ачыу алгъа келсе, акъыл артха къалады.
- Ариу сёз джыланны орнундан чыгъарыр.
- Азыкълы ат арымаз, къатыны аман джарымаз.
- Тулпарлыкъ, билекден тюл – джюрекден.
- Къуру гыбыт бек дыгъырдар.
- Къонакъ аз олтурур, кёб сынар.
- Ёлмесенг да, къарт дамы болмазса?
- Тыш элде солтан болгъандан эсе, кесинги элде олтан болгъан игиди!
- Джашлыкъ этмеген, башлыкъ этмез.
- Татлы сёз – балдан татлы.
- Кийиминг бла танылма, адамлыкъ бла таныл.
- Адам сёзге тынгыла, акъыл сёзню ангыла.
- Тилде сюек болмаса да, сюек сындырыр.
- Аллахдан тилесенг, кёб тиле.
- Тил джюрекге джол ишлейди.