- Этни бети бла шорпасы.
- Эр абынмай, эл танымаз.
- Магъанасыз сёз – тауушсуз сыбызгъы.
- Аякъларынгы джууургъанынга кёре узат.
- Хаухну атма, ёнгкючню сатма.
- Игилик игилик бла сингдирилиучю затды.
- Бир онгсуз адам адет чыгъарды, деб эштирик тюлсе.
- Кесине гебен этелмеген, биреуге черен эте эди.
- Хар адамгъа кеси миннген тау кибик.
- Ханы къызы буюгъа-буюгъа киштик болду.
- Эки къатын алгъан – эки ташны ортасына башын салгъан.
- Кийимни бичсенг, кенг бич, тар этген къыйын тюлдю.
- Биреуге аманлыкъ этиб, кесинге игилик табмазса.
- Бёрю да ач къалмасын, эчки да ашалмасын.
- Юйюнгден чыкъдынг – кюнюнгден чыкъдынг.
- Хантына кёре тузу, юйюне кёре къызы.
- Тюзлюк тас болмайды.
- Азыкълы ат арымаз, къатыны аман джарымаз.
- Бозаны арты дауур болур.
- Адебни адебсизден юрен.
- Экеу тутушса, биреу джыгъылыр.
- Окъ къызбайны джокълайды.
- Тёзгеннге, джабылгъан эшик ачылыр.
- Хар зат кесини орнуна иги.
- Экиндини кеч къылсанг, чабыб джетер ашхам.
- Къошда джокъгъа – юлюш джокъ.
- Таякъ этден ётер, тил сюекден ётер.
- Ушамагъан – джукъмаз.
- Адамны аманы адамны бети бла ойнар.
- Кийимни бир кюнню аясанг, минг кюннге джарар.
- Кюлме джашха – келир башха.
- Ёлген ийнек сютлю болур.
- Дуния мал дунияда къалады.
- Ач къарным, тынч къулагъым.
- Этек чакъмакълары баш джаргъан, сёлешген сёзлери таш джаргъан.
- Къыйынлы джети элни къайгъысын этер.
- Ашхы болсанг, атынг чыгъар, аман болсанг, джанынг чыгъар.
- Туз, гырджын аша, тюзлюк бла джаша.
- Бетинги сатма, малынгы сат.
- Окъуу – билимни ачхычы, окъуу – дунияны бачхычы.
- Игини сыйлагъан адетди.
- Дууулдаса – бал чибин, къонса – къара чибин.
- Ариуну – ауруу кёб.
- Байма, деб да, къууанма, джарлыма, деб да, джылама.
- Нёгер болсанг, тенг бол, тенг болмасанг, кенг бол.
- Окъумагъан сокъурду, сокъур ташха абыныр!
- Керек ташны ауурлугъу джокъ.
- Накъырда – кертини келечиси.
- Уллу къазанда бишген эт, чий къалмаз.
- Ашына кёре табагъы, балына кёре къалагъы.
