- Къая джолда джортма, ачыкъ сёзден къоркъма.
- Джашда акъыл джокъ, къартда къарыу джокъ.
- Суу кетер, таш къалыр.
- Кесинг сынамагъан затны, адамгъа буюрма.
- Тёрде – темир таякълы, къаяда – чыпчыкъ аякълы.
- Ёгюзню мюйюзюнден тутадыла, адамны сёзюнден тутадыла.
- Харам къарнашдан, халал тенг ашхы.
- Илму – джашауну джолу.
- Аш хазыр болса, иш харам болур.
- Кюлме джашха – келир башха.
- Ёлген эшек бёрюден къоркъмайды.
- Уллу сёлешме да, уллу къаб.
- Керти сёзге тёре джокъ.
- Ёксюзню тилеги къабыл болур.
- Баш болса, бёрк табылыр.
- Хазыр ашха – терен къашыкъ.
- Джаханимни кёрмей, джандетге кёл салмазса.
- Таш бла ургъанны, аш бла ур.
- Арба аугъандан сора, джол кёргюзтюучю кёб болур.
- Айтылгъан сёз ызына къайтмаз.
- Ышармагъан – кюлмез, кюлмеген – къууанчны билмез.
- Айранны сюйген, ийнек тутар.
- Билимден уллу байлыкъ джокъду.
- Ёпкелегенни ашы татлы болады.
- Хар сёзню орну барды.
- Агъач халкъгъа алтынды, иссиликге салкъынды.
- Кийиминг бла танылма, адамлыкъ бла таныл.
- Хантына кёре тузу, юйюне кёре къызы.
- Билмезни кёзю кёрмез, этмезни къулагъы эшитмез.
- Сормай – алма, чакъырылмай – барма.
- Ойнай билмеген, оюн бузар.
- Телини эшигин, махтау джабар.
- Эл ауузу – элия.
- Бал ашаргъа сюе эсенг, чибин ургъаннга тёз.
- Кёбден умут этиб, аздан къуру къалма.
- Тюзню ётмеги тюзде къалса да, тас болмаз.
- Гугук кесини атын айтыб къычыргъанча, мен, мен деб нек тураса?
- Ишни ахырын ойламай, аллын башлама.
- Тойгъан джерге джети къайт.
- Къатын байлыкъны сюер, эр саулукъну сюер.
- Кёпюр салгъан кеси ётер, уру къазгъан кеси кетер.
- Къар – келтирди, суу – элтди.
- Гырджын – тепсини тамадасы.
- Тёзгеннге, джабылгъан эшик ачылыр.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Дууулдаса – бал чибин, къонса – къара чибин.
- Ашыкъгъанны этеги бутуна чырмалыр.
- Чабакъгъа акъыл, табагъа тюшсе келеди.
- Къуллукъчума, деб махтанма, къуллукъ – хаух джамчыды!
- Тойну къарнашы – харс, джырны къарнашы – эжиу.
