- Чомарт бергенин айтмаз.
- Адамны артындан къара сабан сюрме.
- Аманнга да, игиге да оноусуз къатышма.
- Сабыр джетер муратха, сабырсыз къалыр уятха.
- Ышармагъан – кюлмез, кюлмеген – къууанчны билмез.
- Ашхы тенг джолгъа салыр, аман тенг джолдан тайдырыр.
- Къуру гыбыт бек дыгъырдар.
- Аш берме да, къаш бер.
- Аман къатын сабий табса, бий болур…
- Намысы болмагъанны, сыйы болмаз.
- Гитче джилтин уллу элни джандырыр.
- Къонакъны къачан кетерин сорма, къачан келлигин сор.
- Аман адамны тепсинге олтуртсанг, къызынгы тилер.
- Джангыз терек къынгыр ёсер.
- Сютню башын джалагъан къутулур, тюбюн ичген тутулур.
- «Ма», - дегенни билмесенг, «бер», - дегенни билмезсе.
- Къулакъдан эсе, кёзге ышан.
- Кёбден умут этиб, аздан къуру къалма.
- Джерни букъусу кёкге къонмаз.
- Насыблы элин сюер, насыбсыз кесин сюер.
- Урунуу – насыбны анасы.
- Байлыкъ тауусулур, билим тауусулмаз.
- Иги сёз – джаннга азыкъ, аман сёз башха – къазыкъ.
- Адам сёзге тынгыла, акъыл сёзню ангыла.
- Кёзден кетген, кёлден да кетеди.
- Къонагъынгы артмагъын алма да, алгъышын ал.
- Аш кетер да бет къалыр.
- Берекет берсин деген джерде, берекет болур.
- Эр абынмай, эл танымаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къууут – джелге, берне – бошха.
- Ишни аллы бла къууанма да, арты бла къууан.
- Орну джокъну – сыйы джокъ.
- Ашхы болсанг, атынг чыгъар, аман болсанг, джанынг чыгъар.
- Тамбла алтындан бюгюн багъыр ашхы.
- Сёз къанатсыз учар.
- Бозаны арты дауур болур.
- Чёбню кёлтюрсенг, тюбюнден сёз чыгъар.
- Айырылмаз джууугъунга, унутмаз сёзню айтма.
- Асхат ашлыкъ сата, юйдегиси ачдан къата.
- Бичгенде ашыкъма, тикгенде ашыкъ.
- Акъыллы айтыр эди, акъылсыз къоймайды.
- Хата – гитчеден.
- Эркишини аманы тиширыуну джылатыр.
- Ауругъан – джашаудан умутчу.
- Эки къатын алгъан – эки ташны ортасына башын салгъан.
- Ашыкъгъанны этеги бутуна чырмалыр.
- Таш ата билмеген, башына урур.
- Дуния мал дунияда къалады.
- Дуния аламаты сен эсенг да, игиме деб айтма.