- Тилчиден кери бол.
- Сангырау къулакъ эл бузар.
- Арбаз къынгырды да, ийнек сауалмайма.
- Ачлыкъда тары гырджын халыуадан татлы.
- Абынмазлыкъ аякъ джокъ, джангылмазлыкъ джаякъ джокъ.
- Чакъырылмагъан къонакъ тёрге атламаз.
- Аджалсыз ёлюм болмаз.
- Аш иеси бла татлыды.
- Акъыл неден да кючлюдю.
- Ханы къызы буюгъа-буюгъа киштик болду.
- Тешигини къатында, чычхан да батыр болур.
- Тин – байлыгъынг, терен саулугъунг.
- Кесинг сынамагъан затны, адамгъа буюрма.
- Билимсиз иш бармаз.
- Гугурук къычырмаса да, тангны атары къалмаз.
- Насыблы элин сюер, насыбсыз кесин сюер.
- Къызын тута билмеген, тул этер, джашын тута билмеген, къул этер.
- Аманнга алтын чыдамаз.
- Арба аугъандан сора, джол кёргюзтюучю кёб болур.
- Ашына кёре табагъы, балына кёре къалагъы.
- Къуру гыбыт бек дыгъырдар.
- Айырылмаз джууугъунга, унутмаз сёзню айтма.
- Эл элде бирер малынг болгъандан эсе, бирер тенгинг болсун.
- Джашынгы кесинг юретмесенг, джашау юретир.
- Аз сёлеш, кёб ишле.
- Гырджын – тепсини тамадасы.
- Ишни ахырын ойламай, аллын башлама.
- Бёрю да ач къалмасын, эчки да ашалмасын.
- Тешик этген тынчды, аны джамагъан къыйынды.
- Къонагъы джокъну – шоху джокъ.
- Джюрек кёзден алгъа кёрюр.
- Окъуу – билимни ачхычы, окъуу – дунияны бачхычы.
- Къарт болгъан джерде, берекет болур, сабий болгъан джерде, оюн болур.
- Юй кюйдю да, кюйюз чыкъды, ортасындан тюйюш чыкъды.
- Чабакъ башындан чирийди.
- Ата джурт – алтын бешик.
- Тёрде – темир таякълы, къаяда – чыпчыкъ аякълы.
- Къызбайны юйюне дери сюрсенг, батыр болур.
- Азыгъы аз, алгъа къабар, аты аман, алгъа чабар.
- Кёб ант этген, кёб ётюрюк айтыр.
- Аш кетер да бет къалыр.
- Шайтан алдады, тюзлюк къаргъады.
- Дуния мал дунияда къалады.
- Билим – акъылны чырагъы.
- Кёбге таш атма.
- Ишлегенден, къарагъан уста.
- Эринчекге кюн узун.
- Бети къызарыучу адамны, джюреги харам болмаз.
- Телиге акъыл салгъандан эсе, ёлгеннге джан салырса.
- Ашыкъгъан cуу, тенгизге джетмез.