- Чёбню кёлтюрсенг, тюбюнден сёз чыгъар.
- Тойгъан джерге джети къайт.
- Ариу джол аджал келтирмез.
- Башы джабылгъан челекге, кир тюшмез.
- Къуллукъчума, деб махтанма, къуллукъ – хаух джамчыды!
- Сескекли кесин билдирир.
- Эр сокъур болсун, къатын тилсиз болсун.
- Накъырда – кертини келечиси.
- Ёпкелегенни ашы татлы болады.
- Тойчу джашха къарама, къойчу джашха къара.
- Бойнуму джети джерден кессенг да, мен ол ишни этеллик тюлме.
- Эрни эр этерик да, къара джер этерик да, тиширыуду.
- Чакъырылмагъан къонакъ тёрге атламаз.
- Баланы адам этген анады.
- Ач, тоймам, дейди, тойгъан, ач болмам, дейди.
- Ариуну – ауруу кёб.
- Атлыны кёрсе, джаяуну буту талыр.
- Терек ауса, отунчу – кёб.
- Эринчекни эр алмаз, эр алса да, кёл салмаз, кёл салса да, кёб бармаз!
- Адамны сыфатына къарама, сёзюне къара.
- Аман хансны – урлугъу кёб.
- Башланнган иш битер, къымылдагъан тиш тюшер.
- Аууздан келген, къолдан келсе, ким да патчах болур эди.
- Акъыллы башны – тили къысха.
- Кёл ашады да, кеси ашады.
- Юреннген ауруу къалмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ёлюр джаннга, ёкюл джокъ.
- Ата Джуртун танымагъан, атасын да танымаз.
- Экеулен сёлеше тура эселе, орталарына барыб кирме.
- Кюл тюбюндеги от кёрюнмейди.
- Нарт сёз къарт болмаз.
- Бир онгсуз адам адет чыгъарды, деб эштирик тюлсе.
- Тилчи бир сагъатха айлыкъ хата этер.
- Эртде тургъан бла эртде юйленнген сокъуранмаз.
- Джашлыкъ этмеген, башлыкъ этмез.
- Огъурлуну сёзю – суу, огъурсузну сёзю – уу.
- Зар адам ашынгы ашар, кесинги сатар.
- Ариу сёз – къылычдан джити.
- Джолда аягъынга сакъ бол, ушакъда тилинге сакъ бол.
- Адам сёзге тынгыла, акъыл сёзню ангыла.
- Орундукъ тюбюнде атылсам да, орта джиликме, де да айлан.
- Адеб базарда сатылмаз.
- Миллетни бойну – базыкъ, аны бла кюрешген – джазыкъ.
- Ариу – кёзге, акъыл – джюрекге.
- Ашыкъгъан cуу, тенгизге джетмез.
- Джангыз торгъай джырламаз.
- Ата – баланы уясы.
- Aдам боллукъ, сыфатындан белгили.
- Ёмюрлюк шохлукъну джел элтмез.