- Бёрю да ач къалмасын, эчки да ашалмасын.
- Уллу сёлешме да, уллу къаб.
- Тёгюлген тюгел джыйылмайды.
- Къыйынлы джети элге оноу этер.
- Ач да бол, токъ да бол – намысынга бек бол.
- Уясында не кёрсе, учханында аны этер.
- Эринчекни аурууу – кёб.
- Гитче джилтин уллу элни джандырыр.
- Къошда джокъгъа – юлюш джокъ.
- Огъурлуну сёзю – суу, огъурсузну сёзю – уу.
- Биреуню тёрюнден, кесинги эшик артынг игиди.
- Магъанасыз сёз – тауушсуз сыбызгъы.
- Башсыз урчукъ тюзюне айланмаз.
- Акъыл аздырмаз, билим тоздурмаз.
- Акъыл къартда, джашда тюйюлдю – башдады.
- Таукел къуру къалмаз.
- Джюрек кёзден алгъа кёрюр.
- Кёбню кёрген – кёб билир.
- Ёлген ийнек сютлю болур.
- Экеу тутушса, биреу джыгъылыр.
- Ашлыкъны арба юйге келтирир, чана базаргъа элтир.
- Ханы къызы буюгъа-буюгъа киштик болду.
- Ашыкъгъанны этеги бутуна чырмалыр.
- Иги сёз – джаннга азыкъ, аман сёз башха – къазыкъ.
- Окъуусуз билим – джокъ, билимсиз кюнюнг – джокъ.
- Ашда уялгъан – мухар, ишде уялгъан – хомух.
- Ариу – кёзге, акъыл – джюрекге.
- Къозулугъунда тоймагъан, къойлугъунда тоймаз.
- Айырылмаз джууугъунга, унутмаз сёзню айтма.
- Ачлыкъда тары гырджын халыуадан татлы.
- Адам сёзге тынгыла, акъыл сёзню ангыла.
- Ауругъан – джашаудан умутчу.
- Джогъун бар этген, барын бал этген.
- Джаханимни кёрмей, джандетге кёл салмазса.
- Босагъа таш юйге кирмей эди, тыбыр таш эшикге чыкъмай эди.
- Сёз къанатсыз учар.
- Джиби бир къат джетмей эди да, эки къат тарта эди.
- Миллетни бойну – базыкъ, аны бла кюрешген – джазыкъ.
- Адам туугъан джеринде, ит тойгъан джеринде.
- Уллу суу бла уллу ауруудан башынгы сакъла.
- Чабакъсыз кёлге къармакъ салгъанлыкъгъа, чабакъ тутмазса.
- Бастасын ашагъан, хантусун да ичер.
- Хазыр ашха – терен къашыкъ.
- Билими азны – ауузунда кирит.
- Гугук кесини атын айтыб къычыргъанча, мен, мен деб нек тураса?
- Къатыны харакетли болса, эри къымсыз болур.
- Джахил болса анасы, не билликди баласы?
- Бозаны арты дауур болур.
- Суугъа – таянма, джаугъа – ийнанма.
- Кёзю сокъурдан – къоркъма, кёлю сокъурдан – къоркъ.
